Zabur 14:1 - Hodáay Pákén Ketáb Balochi zobáná

¹ Nádán wati delá gwashit: “Hodáé nést.” É palit ant o káresh sell o gandah, nékkáré nést.

Zabur 14:1 ပူးပေါင်းရင်းမြစ်များ

Pédáesh 6:5

Hodáwandá dist ke ensánay radkári zeminay sará sakk báz ant o sajjahén del o hayálesh modám gón badiá ent o bass.

Zabur 10:4

Badkár mán wati kebr o gorunákiá gwashit: “Hodá dar gétka nakant”, áiay sajjahén pegr o hayál esh ent ke “Hodáé nést”.

Zabur 107:17

Cha wati sarkasshiá ahmak butant o wati gonáháni sawabá sakki o sórián kaptant.

Zabur 53:1

Nádán wati delá gwashit: “Hodáé nést.” É palit ant o káresh bazhnák, nékkáré nést.

Zabur 73:3

Chiá ke pa porkebrán hasaddi bután, hamá wahdá ke man badkár ábádi o ásudagiá distant.

Zabur 92:6

Ahmaka nazánt o nádán sarpada nabit.

Mattá 12:34

Oo syahmárzádagán! Shomá ke wat sell o radkár ét, chón sharrén habar korta kanét? Chéá ke harché mardomay delá bebit, hamá cha áiay dapá dara kayt.

Mattá 15:19

Chéá ke badén pegr o hayál, hón o kósh, zená, bénangi, dozzi, drógén sháhedi o kopr, cha delá chesta bant.

Luká 12:20

Bale Hodáyá gwasht: ‘Oo nádán! Enshapi tai sáh cha taw geraga bit, gorhá tai é mocch kortagén mál o melkat kaiga bant?’

Pa Titusá Pulosay kágad 1:16

É mardoma gwashant ke má Hodáyá zánén, bale áyáni kár pésha dárant ke áiá nazánant. Choshén mardom bazzhenák ant, náparmán ant o hecch sharrén káray kábel naant.

Pa Titusá Pulosay kágad 3:3

Yakk wahdé má ham béagl o náparmán o gomráh butagén o har paymén badén wáhag o hawá o hawasáni golám butagén. Má wati zend badkári o hasadday tahá gwázéntag. Napratay hakdár butagén o má gón yakdomiá naprat kortag.

Elhám 21:8

Bale lagór o nábáwar o hamá ke bazzhnák ant, hónig o zenahkár o jáduger o botparast o sajjahén drógband, esháni ásar esh ent ke ásay gwarmá gón ás o gókortá sóchag bebant. É domi mark ent.”