Zabur 139:17 - Hodáay Pákén Ketáb Balochi zobáná

¹⁷ Oo Hodá! Tai hayál pa man chón bébahá ant, eshán hesáb nést.

Zabur 139:17 ပူးပေါင်းရင်းမြစ်များ

Pédáesh 24:63

Bégáhéá, Esák dhagáray sará gardagá at o hayáláni tahá at. Chammi chest kortant o disti ke lahtén oshter pédák ent.

Zabur 31:19

Tai néki chenkadar báz ent, ke pa Hodátorsán ambáret kortag o bani ádamáni chammáni démá pa hamáyán purah o sarjam kortag ke tai báhótha bant.

Zabur 36:7

Oo Hodá! Tai mehr chenkadar porarzesh ent, bani ádam tai bánzoláni sáhegá panáha gipt.

Zabur 40:5

Oo Hodáwand, oo mani Hodá! Taw pa má bázén ajabén kár o shawré kortag, hechkas tai matth buta nakant. Agan belóthán tai káráni bárawá jár bejanán o habar bekanán, haminchok báz ant ke cha hesábá dar ant.

Zabur 40:6

Tará pa hayrát o korbánigá hájaté nést, bale mani góshet pach kortag, sóchagi korbánig o gonáháni korbániget nalóthetag.

Zabur 92:5

Oo Hodáwand! Tai kár chón mazan ant o pegr chenkadar johlánk.