Zabur 138:3 - Hodáay Pákén Ketáb Balochi zobáná

³ Har wahdá ke tará gwánkon jatag taw maná passaw dátag, mani del mazan kortag o maná zór o wák bakshátag.

Zabur 138:3 ပူးပေါင်းရင်းမြစ်များ

Zabur 18:6

Wati paréshániáni tahá Hodáwandon tawár jat o komak lóthagay peryáton wati Hodáay gwará borz kort. Áiá cha wati parasteshgáhá mani tawár eshkot o mani komak lóthagay peryát áiay góshán raset.

Zabur 27:14

Hodáwanday wadárá bay, zórmand bay o delá dhaddh kan. Haw! Hodáwanday wadárá bay.

Zabur 28:7

Hodáwand mani zór o espar ent, delon áiay sará tawkala kant o madaton rasetag. Del cha shádmániá sarréch ent o gón wati sawt o názénkán áiay shográ gerán.

Zabur 29:11

Hodáwand wati kawmá wák o kodrat bebakshát, Hodáwand wati kawmá gón sohl o émeni barkat bedayát.

Zabur 34:7

Hodáwanday préshtag Hodátorsáni chapp o chágerdá pallé bandit o áyán nejáta dant.

Zabur 63:8

Arwáhon gón taw bandók ent o rástén dastet mani posht o panáh.

Dányál 10:18

Hamá ke ensánéay dhawlá at, maná padá dasti jat o zórmandi kort.

Dányál 10:19

Gwashti: “Mators, sharapmandén mard! Émen bátay. Dhaddh bay. Mohkam bay.” Anchó ke á gón man habar kanagá at, man dhadhter bután o gwasht: “Mani wájah! Gón man habar kan, chéá ke taw maná zór bakshátag.”

Pa Pilipián Pulosay kágad 4:13

Man Masihay barkatá harché korta kanán, chéá ke hamá maná zór o twána dant.

Petrosay Awal Kágad 5:10

Nun Hodá, ke sajjahén rahmatáni málek ent o shomárá cha Masihay ráhá dém pa hamá abadmánén shawkatá gwánki jatag, shomay kammén sakki o sóriay saggagá rand, shomárá nóksará twána dant, mohr o mohkama kant o páydári o zóra bakshit.