Zabur 135:6 - Hodáay Pákén Ketáb Balochi zobáná

⁶ Harché ke Hodáwand ásmánán o zeminá, daryáyán o daryáyáni sajjahén johlánkián kanag belóthit, kant.

Zabur 135:6 ပူးပေါင်းရင်းမြစ်များ

Zabur 115:3

May Hodá arshá ent, harché ke áiá wassha bit, hamá kárá kant.

Zabur 33:11

Bale Hodáwanday shawr o saláh abadmán ant, áiay delay shawrbandi pa sajjahén nasl o padréchán.

Zabur 33:9

Chiá ke áiá gwasht o hamá chizz paym but, parmáni dát o barjáh dárag but.

Dányál 4:32

Taw cha ensánán gallénaga bay o jangali jánwaráni darnyámá jahmenenda bay. Tai ward o warák pas o gókáni dhawlá káh o buccha bant. Tán hapt zamánagá taw anchosha bay tán hamá wahdá ke taw pajjáh byáray o bezánay ke borzén arshay Hodá ensáni bádsháhiáni sará hokmrán ent o hamá mardomá dantesh ke wata lóthit.”

Dányál 4:35

Jahánay sajjahén mahluk áiay démá hecch naant. Á, gón ásmáni lashkará wati delay tabá kára kant o gón zeminay saray nendókán ham. Choshén kasé nést ke áiay dastá bedárit o begwashit ke ‘taw ché kanagá ay?’

Mattá 14:25

Shapay cháromi pásá, Issá ápay sará gám janán dém pa áyán pédák at.

Mattá 28:18

Issáyá gón áyán gwasht: “Ásmán o zeminay sajjahén zór o wák mani dastá dayag butag.