Zabur 132:9 - Hodáay Pákén Ketáb Balochi zobáná

⁹ Tai dini péshwáyán pahrézkáriay póshák gwará bát o tai wapádárén hezmatkár shádehiay kukkár bekanátant.”’

Zabur 132:9 ပူးပေါင်းရင်းမြစ်များ

Zabur 104:1

Oo mani arwáh! Hodáwandá benázén. Oo Hodáwand, mani Hodá! Taw békesás mazan ay, taw gón ezzat o sháná póshetagay.

Zabur 132:16

Man eshiay dini péshwáyán rakkagay pósháká gwará dayán o eshiay wapádárén mardom pa shádehi kukkára kanant.

Zabur 149:5

Áiay wapádár gón é pahrá shádehi bekanát o wati gandaláni tahá shádehiay sawt bejanátant.

Zabur 47:1

Oo sajjahén kawmán! Cháp bejanét. Gón shádmániay borzén sawtán dém pa Hodáyá kukkár kanét.

Zabur 68:3

Bale pahrézkár shádmán o Hodáay dargáhá gal o bál bátant o cha wasshiá shádehi kanátant.

Zabur 70:4

Bale á ke tai shóházá ant, sajjahén tai dargáhá shádehi kanát o gal o bál bátant, á ke tai dátagén nejátesh dósta bit, modám begwashátant: “Hodáwand mazanshán ent.”

Zabur 93:1

Hodáwand bádsháhia kant áiá watá pa shán o shawkat árástag, Hodáwand porshawkat ent o zór o wáká selahband. Donyá mohr óshtátag o nalarzit.

Pulosay kágad pa Rumián 13:14

Esháni badalá, Hodáwand Issá Masihá wati póshák bekanét o wati gonahkárén sareshtay wáhagáni sarjam kanagay pad o randá mabét.

Petrosay Awal Kágad 5:5

Oo warnáyán! Anchosh shomá ham wati masterénáni parmánbardáriá bekanét o gón yakdomiá békebr o darbésh bebét, chéá ke: “Hodá porkebr o gorunákén mardománi helápá mohra óshtit, bale békebr o darbéshén mardománi sará wati rahmatána gwárénit.”

Elhám 19:8

Áiá lilomén, rozhná o sapáén god, pa gwará kanagá dayag butag.” Lilomén god, Hodáay palgártagén mardománi pahrézkári ant.