Zabur 128:3 - Hodáay Pákén Ketáb Balochi zobáná

³ Tai jan tai lógay tahá chó bar áwarén angurá bit, tai chokk tai parzónagay chapp o chágerdá chó zaytunay nahálá bant.

Zabur 128:3 ပူးပေါင်းရင်းမြစ်များ

Pédáesh 49:22

Issop porsamarén anguré, chammagay lambá baráwarén anguré. Sháharhi, diwálán sara kapant.

Zabur 127:3

Chokk cha Hodáwanday némagá mirás ant o padréch cha hamáiay némagá mozz.

Zabur 127:5

Bahtáwar hamá mard ent ke tirdáni cha chokká porr ent. Wahdé choshén mardomé shahray darwázagá gón dozhmená dém pa déma bit hechbar pashal o sharmendaga nabit.

Zabur 144:12

Gorhá may bachakk, warnáiá chó rostagén drachká bant o may jenekk chó washtráshtagén menoká ke pa kalátán tráshag butagant.

Zabur 52:8

Bale man zaytunay sabzén drachkéay paymá án, ke Hodáay lógá sabza bit. Mani tawkal Hodáay mehray sará ent abad tán abad.

Pulosay kágad pa Rumián 11:24

Taw cha hamá zaytunay drachká goddhag butagay ke wati zátá jangali ent o wati zátay helápá gón keshtagén zaytuná paywand janag butagay. Gorhá hamá ke é zaytunay asligén thál ant, che paymá pa arzáni gón wati jenday drachká padá paywand janag buta nakanant?