Zabur 12:3 - Hodáay Pákén Ketáb Balochi zobáná

³ Hodáwand har cháplusén dapá próshát o har bathák janókén zobáná borrát.

Zabur 12:3 ပူးပေါင်းရင်းမြစ်များ

Zabur 116:11

Paréshániáni tahá gwashton: “Harkas drógband ent.”

Zabur 140:12

Mana zánán ke Hodáwand pa bazzagán dadrasi o pa hájatmandán adl o ensápa kant.

Zabur 17:10

Á wati sengén delán mohra kanant o áyáni zobán porkebr o gorunákén habara kant.

Zabur 55:22

Wati paréshánián pa Hodáyá bell, ke á tai dárók ent, á hechbar pahrézkárán kapagá naylit.

Dargwaz 15:9

Dozhmená gwasht: ‘Man esháni randá kapán o rasénánesh, máláni áwárá bahra kanán o wati arwáhá sérápa kanán. Zahmá kasshán o mani dastesh tabáha kant.’

Dányál 7:25

É, borzén arshay Hodáay helápá habara kant o áiay pákén mardomán ázára dant. Eshiay erádaha bit ke kánun o wahdán badal bekant o Hodáay pákén mardom pa wahdéá eshiay dastá dayaga bant, bezán tán wahdéá, wahdán o ném wahdá.

Dányál 7:8

Man eshiay kántháni bárawá jérhagá atán, diston esháni nyámá dega kasánén kánthé dar átk o cha jánwaray awali kánthán say kánth eshiay démá cha boná gwajag but. Man dist ke é kánthá mardomi chammay paymén chamm per at o dapé per ati ke bathák janagá at.

Petrosay Domi Kágad 2:18

É, batháka janant o habaresh puch o hálig ant. Hamá mardomán gón jesmi badén wáhagán préba dayant o wati dámá perrénant ke nóki cha radkáráni dastá rakketagant.

Yahudáay Kágad 1:16

É mardom, gellahgozár, irázger o wati badkári o sellén wáhagáni boddhetagén ant, pa wat pahra bandant o pa wati nap o suttán gón cháplusi o charpzobáni mardomán satá kanant.

Elhám 13:5

Rastará dapé dayag butagat ke bathák janag o koprén habar kanagá at o ehtiár dayag butagat ke tán chell o do máhá harché ke kanaga lóthit, bekant.