Zabur 119:50 - Hodáay Pákén Ketáb Balochi zobáná

⁵⁰ Sakki o sórián mani tasallá hamesh ent, tai kawl maná zendaga dárit.

Zabur 119:50 ပူးပေါင်းရင်းမြစ်များ

Zabur 119:25

Man hákán waptagán, maná wati labzay hesábá zendag bedár.

Zabur 119:38

Gón wati hezmatkárá kortagén kawlá bedár hamá kawlá ke gón Hodátorsána kanay.

Zabur 119:41

Tai mehr maná sar bát, oo Hodáwand, o hamá neját ham ke taw kawl kortag.

Zabur 119:92

Agan tai Sharyat mani shádmáni mabutén, man mosibatáni tahá gár o gomsár butagatán.

Zabur 138:7

Harchont ke sakki o sóriáni tahá gardán, bale taw maná zendaga dáray. Taw mani dozhmenáni hezhmay helápá wati dastá shaháray o gón wati rástén dastá maná rakkénay.

Zabur 27:13

Deljam án ke Hodáwanday nékiá zendagénáni zeminá gendán.

Zabur 28:7

Hodáwand mani zór o espar ent, delon áiay sará tawkala kant o madaton rasetag. Del cha shádmániá sarréch ent o gón wati sawt o názénkán áiay shográ gerán.

Zabur 42:11

Oo mani arwáh! Chiá gimmortagay? Chiá mani del o daruná paréshán ay? Óst o omét Hodáay sará bekan, chiá ke nóksará hamáiá názénán, wati rakkénók o wati Hodáyá.

Zabur 42:8

Róchá, Hodáwand wati mehrá déma dant o shapá sawt o zémeli gón man ent, dwáé dém pa wati zend bakshókén Hodáyá.

Zabur 94:19

Wahdé sargardána bán, tai dátagén delbaddhi maná shádmána kant.

Yuhanná 6:63

Ruh ent ke zenda dant, haddh o góshtá páedagé nést. É habar ke man gón shomá kortant, Ruh o zend ant.

Pulosay kágad pa Rumián 15:4

Har chizzé ke pésará nebisag butag, pa may tálimá butag, tán gón Pákén Ketábay bakshetagén sabr o delbaddhiá márá omét berasit.

Ákub 1:18

Áiay wáhag hamé butag ke márá cha rástiay habaray wasilahá pédá bekant, tánke áiay jórh kortagénáni awali bar o samar bebén.

Petrosay Awal Kágad 1:3

May Hodáwandén Issá Masihay Hodáén Petá satá o saná bát. Cha wati sarréchén rahmatá o gón Issá Masihay cha mordagán zendag bayagá, Hodáyá márá nóksará pédá kort tán márá zendagén omété berasit.

Petrosay Awal Kágad 2:2

Nun ke shomá Hodáwanday néki o mehrabániay tám chashetag, nók pédá butagén nonnokáni paymá pa pák o ruhánién shirá shodig bebét tánke cha hameshiá dém pa wati rakkagá rodán bebét.