Zabur 119:34 - Hodáay Pákén Ketáb Balochi zobáná

³⁴ Maná agl o hósh beday ke man tai Sharyatay páband bebán o pa del o setk eshiay randgiriá bekanán.

Zabur 119:34 ပူးပေါင်းရင်းမြစ်များ

Zabur 111:10

Hodáwanday tors dánáiay bendát ent. Hamá ke áiay rahbandáni randgiriá kanant, áyán sharrén zántkária rasit. Tán abad satá hamáiayg ent.

Zabur 119:10

Tará pa setk o del shóháza kanán, maná mayl ke tai hokmáni ráhá yalah bekanán.

Zabur 119:100

Cha kamáshán zántkárter butagán ke tai rahbandáni randgiriá kanán.

Zabur 119:104

Cha tai rahbandán maná zánt o sarpadia rasit, paméshká maná cha har radén ráhá naprat ent.

Zabur 119:125

Man tai hezmatkár án, maná sarpadi beday ke tai parmánán bezánán.

Zabur 119:130

Tai habaray bayán kanag rozhna bakshit o násarpadán sarpadia dant.

Zabur 119:144

Tai parmán tán abad pa adl ant, maná sarpadi beday ke zendag bemánán.

Zabur 119:169

Oo Hodáwand! Mani peryát tará sar bát, wati labzay hesábá maná agl o hósh beday.

Zabur 119:2

Bahtáwar ant hamá ke Hodáwanday parmánána mannant o pa setk o del áiay shóházá ant,

Zabur 119:58

Pa del o setk tai chehragay shóházá butagán, mani sará hamá paymá mehrabán bay ke kawlet kortag.

Zabur 119:66

Maná zánt o sarpadi sój day ke man tai hokmáni sará tawkala kanán.

Zabur 119:69

Harchont ke gorunákén mardomán mani sará drógén bohtám jatag, bale man pa del o setk tai rahbandán barjáha dárán.

Zabur 119:73

Maná tai dastán addh kort o shekl o dróshom dát, maná agl o hósh beday ke tai hokmán sarpad bebán.

Zabur 39:2

Chopp o bétawár bután, tantaná sharrén habaré ham nakorton, bale dard o andóhon géshter butant.

Mattá 5:19

Paméshká agan kasé cha Sharyatay parmánán gwandhteréné sost begipt o kár mabandit o degarán ham anchosh dars o sabakk bedant, á, ásmáni bádsháhiá kasterén zánaga bit. Bale kasé ke é parmánáni sará kára kant o degarán ham sója dant, ásmáni bádsháhiá mazan zánaga bit.

Mattá 7:24

Paméshká, harkas ke mani é habarána eshkont o áyáni sará kára kant, hamá zántkár o hóshmandén mardomay paymá ent ke wati lógi taláray sará bast.

Yuhanná 7:17

Harkas ke Hodáay wáhagán sarjam kanag belóthit, zánt ke mani tálim Hodáayg ant yá man cha wat habara kanán.

Ákub 1:25

Bale á ke wati chammán dém pa tamán o kámelén Sharyat, bezán “ázátiay Sharyatá” tarrénit o áiay sará mohra óshtit, shamóshkárén eshkonóké naent, mannókén kár kanóké. Á wati kár o kerdá bahtáwara bit.

Ákub 1:5

Agan cha shomá yakkéay zánt o hekmat kamm bebit, cha Hodáyá belóthit o Hodá, ke cha wati bakshendagiá harkasá bé mennat o shegána dant, áiá zánt o hekmata bakshit.

Ákub 4:11

Oo brátán! Yakdomiá ér majanét o badgói makanét. Harkas ke wati brátá bad begwashit o áiá mayárbár bekant, rást esh ent ke áiá Sharyat bad gwashtag o mayárig kortag. Agan taw Sharyatay dádrasiá kanay, gorhá Sharyatay sará kár kanagá naay, Sharyatay helápá shawr borragá ay.