Zabur 119:2 - Hodáay Pákén Ketáb Balochi zobáná

² Bahtáwar ant hamá ke Hodáwanday parmánána mannant o pa setk o del áiay shóházá ant,

Zabur 119:2 ပူးပေါင်းရင်းမြစ်များ

Zabur 105:45

ke áiay rahbandáni randgiriá bekanant o áiay Sharyatay hokmáni sará kár bekanant. Hodáwandá benázénét, Halléluyá.

Zabur 119:10

Tará pa setk o del shóháza kanán, maná mayl ke tai hokmáni ráhá yalah bekanán.

Zabur 119:101

Man wati pád cha har radén ráhá dur dáshtagant ke tai habará dásht bekanán.

Zabur 119:115

Cha man dur bebét, oo badkárán, ke man wati Hodáay hokmáni randgiriá bekanán.

Zabur 119:146

Gón taw peryáta kanán: “Maná berakkén” o man tai parmánána mannán.

Zabur 119:17

Wati hezmatkáray sará mehrabán bay tánke zendag bemánán o tai habaray parmánbardáriá bekanán.

Zabur 119:22

Sobakki o kamsharapiá cha man dur kan, chéá ke man tai parmánána mannán.

Zabur 119:33

Oo Hodáwand! Wati hokmáni ráhá maná sój day, ke tán áherá bedáránesh.

Zabur 119:34

Maná agl o hósh beday ke man tai Sharyatay páband bebán o pa del o setk eshiay randgiriá bekanán.

Zabur 119:57

Taw manig ay, oo Hodáwand! Man kawl kortag ke tai habaráni randgiriá kanán.

Zabur 119:69

Harchont ke gorunákén mardomán mani sará drógén bohtám jatag, bale man pa del o setk tai rahbandán barjáha dárán.

Zabur 119:88

Wati mehray hesábá maná zendag bedár o cha tai dapá dar átkagén hokmáni randgiriá kanán.

Zabur 25:10

Hamá ke Hodáwanday ahd o paymánay sará óshtant, áiay sajjahén ráh pa áyán cha mehr o wapáyá sarréch ant.

Yuhanná 14:23

Issáyá passaw tarrént: “Á kas ke maná dósta dárit, hamá habaráni sará kára kant ke man gwashtagant. Mani Pet áiá dósta dárit o man o Peta káén o áiay kerrá lóg o jágaha kanén.