Zabur 119:124 - Hodáay Pákén Ketáb Balochi zobáná

¹²⁴ Wati hezmatkárá wati mehray hesábá bechár o wati hokmán maná sój day.

Zabur 119:124 ပူးပေါင်းရင်းမြစ်များ

Zabur 103:10

Márá may gonáháni hesábá nachárit, na ke márá may badiáni padmozzá dant.

Zabur 119:12

Tará satá bát, oo Hodáwand! Wati hokmán maná sój day.

Zabur 119:132

Démá gón man tarrén o mani sará rahm kan, anchosh ke taw modám gón wati námay dóst dárókána kanay.

Zabur 119:26

Man tará wati ráháni hál dát o taw maná passaw dát. Nun maná wati hokmán sój day.

Zabur 119:41

Tai mehr maná sar bát, oo Hodáwand, o hamá neját ham ke taw kawl kortag.

Zabur 119:88

Wati mehray hesábá maná zendag bedár o cha tai dapá dar átkagén hokmáni randgiriá kanán.

Zabur 130:7

Oo Esráil! Ométá pa Hodáwandá bedár, ke mehr gón Hodáyá ent o kámelén rakkénag hamáiay dastá ent.

Zabur 31:20

Eshán wati bárgáhay panáhá cha mardománi pandalán chér o andéma dáray o wati sáhegá cha bohtám janókén zobánán dur.

Zabur 51:1

Oo Hodá! Pa wati mehrá bechár o mani sará rahm kan! Cha wati békesásén rahmatán náparmániánon gár kan.

Zabur 69:13

Bale man, oo Hodáwand, tai rahmay wahdá, tai dargáhá dwá kanán. Oo Hodá! Cha wati bázén mehr o wapádáriá, gón deljamén rakkénagé passaw beday.

Zabur 69:16

Oo Hodáwand! Mani passawá beday ke tai rahmat báz ant, wati rahmatáni kesás o hesábá, wati démá gón man betarrén.

Zabur 79:8

Gwastagén nasláni gonáhán may sará maladdh, tai rahmat zutt may sará byáyátant ke sakk wár o bazzag én.

Dányál 9:18

Oo mani Hodá! Wati delgóshá gón má kan o gósh dár, chammán shánk day o may o é shahray tabáhiá bechár ke é shahr cha tai námá pajjáh áraga bit. Chéá ke má wati pahrézkáriay sawabá cha taw dazbandia nakanén, tai mazanén rahmatay sawabá dazbandia kanén.

Luká 18:13

Bale hamá máliátgir dur óshtátagat o ásmáni cháret ham nakort. Dasti wati sénagá jat o peryát kanáná gwashti: ‘Oo Hodá! Tará mani sará bazzag bát ke gonahkáré án.’