Zabur 119:1 - Hodáay Pákén Ketáb Balochi zobáná

¹ Bahtáwar ant hamá ke ráhesh rást ant o Hodáwanday Sharyatay hesábá gardant.

Zabur 119:1 ပူးပေါင်းရင်းမြစ်များ

Zabur 101:2

Bémayáriay ráhá rawán. Mani kerrá kadi káay? Gón delpahki wati lógá zenda gwázénán.

Zabur 101:6

Mani chamm zeminay sará wapádárén mardom shóháza kanant tánke gón man jahmenend bebant, hamá kas mani hezmatkár buta kant ke pa bémayária gardit.

Zabur 112:1

Hodáwandá benázénét, Halléluyá. Bahtáwar ent hamá ke Hodáwanday tors áiay delá ent, hamá ke áiay hokmi sakk báz dósta bant.

Zabur 128:1

Bahtáwar hamá ent ke Hodáwanday torsi delá ent o áiay parmánbardáriá gáma jant.

Luká 1:6

Á, har doén, Hodáay chamm o nezará nék o pahrézkár atant o Hodáwanday sajjahén hokm o rahbandáni sará pa bémayári zendesha gwázént.

Luká 11:28

Issáyá áiay passawá darráént: “Bahtáwar hamá ant ke Hodáay habarán gósha dárant o áyáni sará kára kanant.”

Yuhanná 1:47

Wahdé Issáyá Natnáil dist ke á dém pa man pédák ent, gwashti: “É tachkén Bani Esráilié o eshiay delá hecch paymén repk o honar mán nést.”

Yuhanná 13:17

Nun ke shomá é habará zánét, bahtáwar ét agan anchosh bekanét.

Kásedáni Kár 24:16

Paméshká, modám johda kanán ke gón Hodá o sajjahén mardomán mani jabin o wejdán pák o palgár bebit.

Ákub 1:25

Bale á ke wati chammán dém pa tamán o kámelén Sharyat, bezán “ázátiay Sharyatá” tarrénit o áiay sará mohra óshtit, shamóshkárén eshkonóké naent, mannókén kár kanóké. Á wati kár o kerdá bahtáwara bit.

Elhám 22:14

Bahtáwar hamá ant ke wati póshákána shódant tánke cha zenday drachká waragay ejázatesh bebit o cha shahray darwázagán, tahá shot bekanant.