Zabur 115:4 - Hodáay Pákén Ketáb Balochi zobáná

⁴ Áyáni “hodá” nograh o teláh ant, ensánay dastay jórh kortagén bot.

Zabur 115:4 ပူးပေါင်းရင်းမြစ်များ

Zabur 97:7

Á sajjahén mardom sharmsára bant ke bot sojdaha kanant, hamá ke náhudagén botáni poshtá pahra bandant. Oo sajjahén “hodáyán”! Áiá sojdah kanét.

Dányál 3:5

Hamá damáná ke shomá karná, nal, chang, soróz, tamburag, dhohl o é dega sajjahén sáz o zémeláni tawárá eshkonét, allam bádsháh Nebukadnezaray mekk kanáéntagén teláhén botay démá bekapét o sojdahi bekanét.

Dányál 5:23

Taw watárá ásmáni Hodáwanday démá borz zánt o léket o hokmet kort ke Hodáay lógay darp tai démá árag bebant. Taw o tai mir o mehterán, tai janán o soriatán é darpáni tahá sharáb wárt o taw nograh, teláh, brenj, ásen, dár o sengén hodá satá kortant ke na gendant, na eshkonant o na sarpada bant. Bale taw hamá Hodá shán o shawkat nadát ke tai sáh o tai sajjahén ráh áiay dastá ant.

Kásedáni Kár 19:26

Bale shomá wat eshkotag o distag, é mardá, Pulosá, na tahná Epésosay, kamm o gésh sajjahén Ásiáay damagay bázén mardomé gomráh kortag o gwashit ke may dastáni addh kortagén Hodá, pa hecch dábá Hodá naant.

Kásedáni Kár 19:35

Gorhá, shahray monshiá mocchi árám kort o gwashti: “Oo Epésosay mardomán! Sajjahén donyáay mardoma zánant ke Epésosay shahr, mazanén hodá Ártemisay zyáratjáhay negahpán ent, ke áiay naksh cha ásmáná ér átkag.