Zabur 110:3 - Hodáay Pákén Ketáb Balochi zobáná

³ Á róchá ke taw wati lashkará moccha kanay, tai mardom pa shawké góna bant. Gón pákiay shán o zébáiá tai warná tai gwará káyant, chó ke nód cha bámgwáhay bátená.

Zabur 110:3 ပူးပေါင်းရင်းမြစ်များ

Zabur 29:2

Hodáwanday námay shán o shawkatá satá kanét, Hodáwandá mán áiay pák o palgárén drapshnákiá satá kanét.

Zabur 96:9

Cha Hodáwanday pákiay zébáiá, áiay démá kóndhán bekapét. Oo sajjahén zemin! Áiay dargáhá belarz.

Kásedáni Kár 1:8

Bale wahdé Pákén Ruh shomay delána nendit, shomárá was o wáka rasit o Urshalimay shahrá, Yahudiah o Sámerahay damagán, tán sarjamén donyáay goddhi marz o simsarán ham, pa man sháhedia dayét o mani wasshén mestágá rasénét.”

Kásedáni Kár 19:20

É dhawlá, Hodáwanday habar gón géshterén zór o wáké sheng o tálána but.

Kásedáni Kár 2:33

Á, Hodáay rástén némagá borzád barag but. Cha Petá, wádah dátagén Pákén Ruh áiá raset o hamá dhawlá ke shomá gendag o eshkonagá ét, nun Pákén Ruhi békesás bakshetag.

Kásedáni Kár 2:41

Gorhá, hamáyán ke áiay kolaw o paygám zort, pákshódi ham kort o á róchá, kesás say hazár mardom gón báwarmandán hór but.

Kásedáni Kár 21:20

Wahdé áyán é hál eshkotant, Hodáay shogresh gept. Nun gón Pulosá gwashtesh: “Oo brát! Taw sahig ay ke hazárán Yahudi Issáay sará báwarmand butag o sajjahén Mussáay Sharyatay sará pa del o setk páband ant.

Kásedáni Kár 4:4

Bale bázéné ke áyáni kolaw o paygámesh eshkotagat báwarmand but o cha áyán kesás panch hazár mardén atant.

Pa Pilipián Pulosay kágad 2:13

Chéá ke é Hodá ent ke shomay deláni tahá kár kanagá ent ke shomay erádahán o shomay kárán pa wati nékén maksadá sarjam bekant.

Pa Tesálunikián Pulosay awali kágad 4:7

Hodáyá márá pa nápákiá gwánk najatag, pa páki o palgáriá gwánki jatag.

Pa Titusá Pulosay kágad 2:14

Issá Masihá wati zend pa má nadr kort ke márá cha may sajjahén selkárián bemókit o pa wat kawmé pák o palgár bekant ke áiay jendayg bebit o é kawm pa sharrén káray kanagá hobbig o hodónák bebit.

Elhám 7:9

Cha eshán o rand, man cháret ta baláhén mocchié ke kassá hesáb korta nakort. Á cha har kawm, kabilah, ráj o zobáná atant o taht o Gwarándhay démá óshtátagatant. Áyán espétén póshák gwará at o macchi pisshesh dastá at.