Zabur 106:23 - Hodáay Pákén Ketáb Balochi zobáná

²³ Gorhá Hodáyá gwasht: “Gár o gomsáresha kanán.” Bale áiay gechén kortagén Mussá nyámá kapt o pa áyáni tabáh kanagá Hodáay gazabi dásht.

Zabur 106:23 ပူးပေါင်းရင်းမြစ်များ

Zabur 105:26

Áiá wati hezmatkárén Mussá rawán dát o Hárun, ke wat gechéni kortagat.

Zabur 105:6

oo áiay hezmatkárén Ebráhémay nasl, oo Ákubay chokkán ke áiay gechén kortagén ét!

Dargwaz 32:32

Nun agan buta kant esháni gonáhá bebaksh, bale agan nabakshay, gorhá mani námá cha hamá ketábá dar kan ke taw nebeshtah kortag.”

Mattá 12:18

É mani hezmatkár ent ke man gechén kortag, maná sakk dóst ent o man cha eshiá báz wassh o razá án, man wati Ruhá eshiay sará éra géján, darkawmáni nyámá é hezmatkár mani ensáp o dádrasiay járá perrénit.

Yuhanná 15:16

Shomá maná gechén nakortag, man shomárá gechén kortag o dém dátag ke shomá berawét o bar o samar byárét, abadmánén bar o samar. Gorhá harché ke mani námay sará cha Petá belóthét, shomárá dant.

Yuhanná 15:19

Agan shomá é donyái mardom buténét, donyáyá shomárá watigáni dhawlá dóst dáshtagat. Bale shomá donyái mardom naét o man shomárá cha é donyáyá dar chetag, paméshká donyá cha shomá naprata kant.

Ákub 5:16

Paméshká, wati gonáhán, yakdomiay démá bemannét o pa yakdomiá dwá belóthét tán dráh kanag bebét. Pahrézkárén mardoméay dwáyá zór mán o barjáha bit.