Zabur 105:16 - Hodáay Pákén Ketáb Balochi zobáná

¹⁶ Zeminá dhokkáli ér áwort o áyáni nánay ambári próshtant.

Zabur 105:16 ပူးပေါင်းရင်းမြစ်များ

Pédáesh 47:13

Nun á sajjahén damagá pa waragá hecch néstat, chéá ke sakkén gránén dhokkálé kaptagat. Mesr o Kanhán doén, dhokkálá tabáh kortagatant.

Pédáesh 47:19

Má gón wati dhagárán tai chammáni démá gár o gomsár bebén? May jend o may dhagárán warákay badalá bezur. Má gón dhagárán Perawnay goláma bén. Márá dán beday ke zendag bemánén o mamerén o may dhagár ham wayrán mabant.”

Zabur 104:15

sharáb ke mardomay delá shát bekant o rógen ke áyáni démá rozhná bekant o nán ke ensánay delá zórmand bekant.

Kásedáni Kár 7:11

Randá sajjahén Mesr o Kanháná dhokkálé kapt ke cha áiá mardomán mazanén sakki o sóri raset o may pet o pirénán hecch ward o waráké nabut.

Elhám 6:8

Man cháret ta mani démá shunzén aspé. Aspswáray nám “mark” at o mordagáni jahán áiay poshtá at. Áyán zeminay chárekay sará zór o wák dayag butagat ke pa zahm, dhokkál o wabá o cha zeminay saray rastaráni dastá óday mardomán bekoshant.