Zabur 103:13 - Hodáay Pákén Ketáb Balochi zobáná

¹³ Hamá dábá ke peté pa wati chokkán mehrabán ent, hamé paymá Hodáwand pa hamá mardomán mehrabán ent ke áiay torsesh delá ent.

Zabur 103:13 ပူးပေါင်းရင်းမြစ်များ

Zabur 103:11

Chéá ke haminkas ke ásmán cha zeminá borz ent, áiay mehr pa hamá mardomán ke Hodáay torsesh delá ent haminkas báz ent.

Zabur 103:17

Bale Hodáwanday mehr, azal tán abad hamá mardománi hamráh ent ke áiay torsesh delá ent o áiay adl, esháni chokk o nomásagáni hamráh,

Zabur 147:11

Hodáwand hamáyáni sará wassha bit ke cha áiá torsant o sajjahén óst o ométesh gón áiay mehrá ent.

Mattá 6:32

Donyáay sajjahén Hodánábáwarén mardom é chizzáni randá tachant, bale shomay ásmáni Peta zánt ke shomárá é chizz pakár ant.

Mattá 6:9

Shomá é dhawlá dwá belóthét: ‘Oo may Pet, ke borzén ásmáná ay! Tai nám sharapdár bát.

Yuhanná 20:17

Issáyá gwasht: “Maná dast majan, chéá ke angat Petay kerrá borzád nashotagán, bale mani brátáni kerrá beraw o áyán begwash ke nun man dém pa wati Petá o shomay Petá, wati Hodáyá o shomay Hodáyá borzáda rawán.”

Kásedáni Kár 13:26

Oo brátán, oo Ebráhémay nasl o padréch o darkawmén Hodátorsán! É rakkénagay kolaw o paygám, pa máshomá rawán dayag butag.