Zabur 102:8 - Hodáay Pákén Ketáb Balochi zobáná

⁸ Dozhmen sajjahén róchá maná shegána janant, kalága bandant o nálata kanant.

Zabur 102:8 ပူးပေါင်းရင်းမြစ်များ

Zabur 2:1

Á dega kawm pa ché shóresha kanant o ráj chiá mopt o náhudagén pandala sázant?

Zabur 41:5

Dozhmen pa badwáhi mani bárawá gwashant: “Kadéna merit o námi gára bit?”

Zabur 55:3

Cha dozhmenáni tawár o cha badkáráni kukkárán bétágat o hayrán án. Chiá ke náhakká maná ranjénant o gón hezhmé mani dozhmeniá kanant.

Zabur 69:20

Sobakki o béezzatián mani del próshtag o dar mantagán, rahmay wadárá atán o dastá nakapt, gamwáréay shóházá atán o naraset.

Zabur 77:5

Gwastagén wahdáni hayálá kapán, kwahnén ahd o bárigáni.

Zabur 89:51

Oo Hodáwand! Tai dozhmenán mani sará rishkand kortag o hamok gámá tai rógen per moshtagénesh kalág bastag.

Luká 6:11

Sharyatay zánóger o Parisi sakk zahr geptant o watmánwatá shawr o saláhesh kort ke gón Issáyá ché bekanant.

Kásedáni Kár 26:11

Báz randá sajjahén kanisaháni tahá, man á pa kopr kanagá hojj kortagant. Maná badwáhi o kénagá anchosh ganók kortagat ke pa áyáni ázár rasénagá, dhanni shahrán ham shotagatán.

Kásedáni Kár 7:54

Gón Estipánay habaráni eshkonagá, á sakk zahr geptant o pa áiá dantán gadróshagá laggetant.

Pulosay kágad pa Rumián 15:3

Chéá ke Masih ham wati washnódiay padá naat, anchosh ke nebeshtah ent: “Tai rad o bad kanókáni rad o bad, mani sará kaptagant.”