Zabur 101:3 - Hodáay Pákén Ketáb Balochi zobáná

³ Wati chammán sell o bazzhnákén chizzáni cháragá naylán, cha náráhén kárán bézár án, maná gón choshén chizzán kár nést.

Zabur 101:3 ပူးပေါင်းရင်းမြစ်များ

Zabur 119:113

Cha doruén mardomán naprata kanán o tai Sharyatá dósta dárán.

Zabur 119:37

Mani chammán cha béarzeshén chizzán dur bedár, maná wati ráhán zendag bedár.

Zabur 125:5

Bale hamá mardom ke chapp o chóthén ráhána rawant, Hodáwand áyán gón badkárán yakjáha gallénit. Esráil émen o salámat bát.

Zabur 139:22

Ji haw! Man gón áyán sakk naprata kanán, á mani dozhmen jórh butagant.

Zabur 14:3

Sajjahénán wati ráh gár dátag, hórigá palit butagant, nékkáré nést, yakké ham nést.

Zabur 36:3

Dapay habari badi o préb ent, cha aglmandi o nékkáriá dasti shoshtag.

Zabur 39:1

Gwashton ke “pahréza kanán tán gón wati zobáná gonáh makanán. Tán wahdé badkáré mani kerrá ent wati dapá lagáma kanán.”

Zabur 40:4

Bahtáwar hamá ent ke Hodáwanday sará tawkala kant o démá gón porkebrénána nakant, gón hamáyán ke drógén hodáyáni randgiriá gomráh ant.

Zabur 41:9

Tantaná mani nazzikén dóst ke cha áiá deljam atán, hamá ke gón man hamkásag at, áiá ham maná dróhetag.

Zabur 78:41

Rand pa randá Hodáesh chakkáset, Esráilay pákénesh ázár dát.

Zabur 78:57

Wati pirénáni paymá rástén ráhesh yalaha dát o béwapá butant, chó sost o nábáwarén kamáná mantant.

Zabur 97:10

Shomá ke Hodáwandá dósta dárét, cha badiá naprat kanét, chiá ke á Hodádóstáni zenday negahpán ent o áyán cha badkáráni dastá nejáta dant.

Dargwaz 20:17

Pa wati hamsáhegay lógá delmánag mabay. Pa áiay jan, golám, móled, gók, har yá dega chizzéá lálech makan.”

Dargwaz 32:8

Eshán mani sój dátagén ráh zutt yalah dátag. Pa wat botén gwaské addhesh kortag o sojdahesh kortag. Pa áiá korbánigesh kortag o gwashtagesh: ‘Oo Esráil! É tai Hodá ent ke tará cha Mesrá dar kort o áworti.’

Mattá 5:28

Bale man shomárá gwashán, agan kasé pa badchammi o deldozzi janénéá bechárit, bezán wati delá, gón hamá janéná zenái kort.

Pulosay kágad pa Rumián 12:9

Shomay mehr báyad ent zagr o pa del bebit, cha badiá naprat bekanét o gón sharri o nékiá belecchét.

Pa Galátián Pulosay kágad 4:9

Bale nun ke shomá Hodáyá zánét, yá rástterén gapp esh ent ke Hodá shomárá zánt, gorhá chón nezór o békárén ráh o rahbandáni némagá pera tarrét? Yakk randé padá hamesháni golám bayaga lóthét?

Petrosay Domi Kágad 2:21

É mardomán, agan cha páki o pahrézkáriay ráhá hecch mazántén, pa áyán gehter at cha eshiá ke zánagá o rand, cha é pákén hokmá bebajjant ke áyáni sepordah kanag butag.

Yuhannáay Awali Kágad 2:19

Á cha má dar átkant, bale chónáhá cha má naatant, agan cha má buténant, gón má mantant. Bale áyáni rawagá sharr pésh dásht cha áyán yakké ham cha má naat.