Zabur 100:3 - Hodáay Pákén Ketáb Balochi zobáná

³ Bezánét ke Hodáwand, Hodá ent, hamáiá márá addh kortag o má hamáiayg én, má áiay kawm, áiay charágáhay ramag én.

Zabur 100:3 ပူးပေါင်းရင်းမြစ်များ

Zabur 119:73

Maná tai dastán addh kort o shekl o dróshom dát, maná agl o hósh beday ke tai hokmán sarpad bebán.

Zabur 12:4

Gwashant: “Má gón wati zobáná kámyáb o sóbéna bén, may dap o lonth ham gón má ant, may wájah o master kay ent?”

Zabur 149:2

Esráil pa wati addh kanóká shádehi bekanát, Sahyunay chokk pa wati bádsháhá gal bátant.

Zabur 46:10

“Watá bedárét o bezánét ke man, Hodá án, kawmáni sará hokmrán o jaháná hákem.”

Zabur 78:52

Bale wati mardomi ramagay paymá sar dát o bortant, pasáni dhawlá gyábánán rashónii kortant.

Zabur 79:13

Gorhá má, tai kawm ke tai charágáhay pas én, tán abad tai shográ gerén, nasláni nasl tará satá kanén.

Zabur 95:3

ke Hodáwand mazanshánén Hodá ent, sajjahén “hodáyáni” masterén bádsháh.

Dargwaz 6:7

Man shomárá zurán o wati kawma kanán o shomay Hodá bán. Gorhá shomá zánét ke man shomay Hodáwandén Hodá án, hamá ke shomárá cha Mesriáni bigáriá dari kortag.

Yuhanná 17:3

Oo yakk o barhakkén Hodá! Abadmánén zend hamesh ent ke é mardom tará bezánant o tai rawán dátagén Issá Masihá pajjáh byárant.

Petrosay Awal Kágad 2:25

Mésháni paymá gár o sargardán atét, bale nun hamáiay kerrá per tarretagét ke shomay arwáháni shepánk o sambálók ent.

Petrosay Awal Kágad 2:9

Bale shomá Hodáay gechén kortagén bádsháhén ruhánién péshwá o pákén kawm ét, Hodáay jenday kawm ét o áiá shomárá cha taháriá dém pa wati porshawkatén rozhnáiá gwánk jatag tán áiay mazanén kárán jár bejanét.

Petrosay Awal Kágad 4:19

Paméshká, á ke gón Hodáay razáyá sakki o sóriáni tahá kaptagant, watá may jórh kanókay sepordah bekanant ke wapádár ent o nékén kár kanán bebant.

Yuhannáay Awali Kágad 5:20

É chizzá ham zánén ke Hodáay Chokk átkag o márá é póh o zánti dátag ke á “Rásténá” bezánén. Má hamá “Rásténay” arwáh o jabiná én, áiay Chokk Issá Masihay arwáh o jabiná. Rástén Hodá o namiránén zend, hamá ent.