Zabur 10:7 - Hodáay Pákén Ketáb Balochi zobáná

⁷ Dap o zobáni cha nálat o préb o setamá porr ent, áiay zobánay chérá petnah o sherkáriá kodám bastag.

Zabur 10:7 ပူးပေါင်းရင်းမြစ်များ

Zabur 12:2

Harkas gón hamsáhegá dróga bandit, cháplusén dapesh pa préb habara kanant.

Zabur 140:3

Wati zobáná chó márá téza kanant o garrmáray zahresh lontháni chérá ent. Ósht...

Zabur 140:9

Áyán ke maná angerr kortag, áyáni lontháni badi, áyáni jenday sará bekápát.

Zabur 144:11

Maná berakkén o cha darámadáni dastá ázát kan, ke dapesh cha drógá porr ant o rástén dastesh cha prébá.

Zabur 144:8

ke dapesh cha drógá porr ant o rástén dastesh cha prébá.

Zabur 36:3

Dapay habari badi o préb ent, cha aglmandi o nékkáriá dasti shoshtag.

Zabur 41:6

Wahdé cha áyán yakké mani didárá kayt dozobáni habara kant o delá badia ródénit, dhanná ke dara kapit, wati delay habará kant.

Zabur 5:9

Chiá ke rásti áyáni zobáná nést o del o darunesh tabáhi ent o bass. Gotth o galuesh práhén kabré o wati zobáná pa cháplusi kára bandant.

Zabur 50:19

Dapay lagámá pa badiá yalaha kanay o zobáná pa prébá.

Zabur 52:4

Oo prébkárén zobán! Har bérán kanókén habará dósta dáray.

Zabur 55:21

Zobáni chó thélá charp at bale deli jangig, dapay habari cha rógená narmter, bale kasshetagén zahm atant.

Zabur 58:3

Badkárán cha mátay lápá wati ráh gár dátag o cha pédáeshá gomráh o drógband ant.

Zabur 59:12

Pa wati dapay gonáh o lontháni habarán wati kebray tahá bandig bebant. Esháni nálat o drógbandiay sawabá,

Zabur 59:13

eshán wati hezhmay tahá gár o gomsár kan, gár o gomsár kan ke hech pasht makapant, tán zánag bebit ke cha Ákubá beger tán zeminay har kondhá Hodá bádsháhia kant. Ósht...

Zabur 62:4

Albat pandala sázant ke áiá cha borzád sarshakun bekanant. Cha dróg bandagá lezzata barant, gón wati dapá barkata dayant, bale delay tahá nálata kanant. Ósht...

Zabur 64:3

Chiá ke wati zobáná zahmáni paymá téza kanant o wati tahlén habarán tiray paymá kára bandant

Zabur 7:14

Á mardomá bechár ke cha sherr o shórá ápos ent o cha petnahá lápporr, á dróga zayt.

Zabur 73:8

Pa maskará o badwáhi habara kanant, pa kebr zolm o setamá wati zobáná kárant.

Mattá 12:34

Oo syahmárzádagán! Shomá ke wat sell o radkár ét, chón sharrén habar korta kanét? Chéá ke harché mardomay delá bebit, hamá cha áiay dapá dara kayt.