Zabur 10:4 - Hodáay Pákén Ketáb Balochi zobáná

⁴ Badkár mán wati kebr o gorunákiá gwashit: “Hodá dar gétka nakant”, áiay sajjahén pegr o hayál esh ent ke “Hodáé nést”.

Zabur 10:4 ပူးပေါင်းရင်းမြစ်များ

Pédáesh 6:5

Hodáwandá dist ke ensánay radkári zeminay sará sakk báz ant o sajjahén del o hayálesh modám gón badiá ent o bass.

Zabur 101:5

Gár o gomsára kanán hamáiá ke wati hamsáhegay báposhtá habara kant. Hech porkebrén chamm o gorunákén deléay ópárá nakanán.

Zabur 18:27

Chiá ke taw békebrána rakkénay, bale porkebr o gorunákán chamjahla kanay.

Zabur 27:8

Taw gwashtag: “Mani chehragay shóházá bebay.” Dela gwashit: “Hodáwandá! Tai chehragay shóházá án.”

Zabur 36:1

Gonáh, badkárá mán áiay delay johlánkiá gwánka jant, áiay chammán Hodátorsi nést.

Zabur 53:1

Nádán wati delá gwashit: “Hodáé nést.” É palit ant o káresh bazhnák, nékkáré nést.

Zabur 73:11

Gwashant: “Hodá che paymá zánt? Borzén arshay Hodáyá é dhawlén zántkári hast?”

Dargwaz 5:2

Bale Perawná gwasht: “Yahweh kay ent ke man áiay gappá gósh bedárán o Bani Esráilá rawagá bellán? Man Yahwehá nazánán o Bani Esráilá rawagá naylán.”

Markás 7:21

chosh ke badén pegr o hayál, bénangi, dozzi, hón o kósh, zená,

Kásedáni Kár 8:22

Cha wati é badkáriá tawbah kan o cha Hodáwandá dwá belóth, balkén Hodá tai delay é sellén hayálá bebakshit.

Pulosay kágad pa Rumián 1:21

Harchont ke Hodáesha zánt, bale Hodái ezzatesha nadát o shogresha nagept. Eshiay badalá, wati náhudagén pegr o hayáláni tahá gomráh butant o áyáni násarpadén del taháriá póshet.

Pulosay kágad pa Rumián 1:28

Áyán Hodápajjári porarzesh o allamén káré nazánt o Hodáyá ham á, bénangén pegr o hayáláni tahá yalah kortant tán náráhén káráni tahá bekapant.