Yuhanná 9:35 - Hodáay Pákén Ketáb Balochi zobáná

³⁵ Wahdé Issáyá eshkot ke biná butagén mardesh galléntag, á mardi dar gétk o gwashti: “Tará Ensánay Chokkay sará imán hast?”

Yuhanná 9:35 ပူးပေါင်းရင်းမြစ်များ

Zabur 2:12

Chokká bechokkét chó mabit ke zahr begipt o shomá ráhay némá gár o bégwáh bebét, chiá ke á anágat bránza gipt. Bahtáwar hamá ant ke áiay mayár o báhótha bant.

Zabur 2:7

Nun Hodáwanday hokmá darshána kanán ke maná gwashti: “Taw mani Bacch ay, maróchi man tará pédá kortag.

Zabur 27:10

Agan mát o pet ham maná yalah bekanant, Hodáwand wat maná zurit o dasta gipt.

Mattá 14:33

Hamá ke bójigá neshtagatant, Issáesh satá o saná kanáná gwasht: “Béshakk taw Hodáay Chokk ay.”

Mattá 16:16

Shamun Petrosá passaw dát: “Taw Masih ay, namiránén Hodáay Chokk.”

Mattá 4:3

Gorhá Shaytán pa áiay chakkásagá átk o gwashti: “Agan taw Hodáay Chokk ay, é sengán begwash nagan bebant.”

Markás 1:1

Issá Masih, Hodáay Chokkay wasshén mestágay bongéj o shoruhát.

Yuhanná 1:18

Kassá hechbar Hodá nadistag, bale hamá yakdánagén Chokk ke Petay bagalá ent, hamáiá Hodá pajjáréntag.

Yuhanná 1:34

Man é chizz distag o gwáhia dayán ke á Hodáay Chokk ent.”

Yuhanná 10:36

gorhá shomá hamá mardomay sará chón kopray bohtámá janét ke Petá á gechén kortag o é jaháná rawán dátag? Á ham tahná pa é habará ke man gwashtag: ‘Hodáay Chokk án.’

Yuhanná 11:27

Martáyá gwasht: “Haw, Hodáwand! Maná báwar ent ke taw Masih ay, taw Hodáay hamá Chokk ay ke é jaháná áyagi at.”

Yuhanná 20:28

Tumáyá gwasht: “Oo mani Hodáwand, oo mani Hodá!”

Yuhanná 20:31

Bale é chizz nebisag butagant tánke shomá báwar bekanét ke Issá, Masih ent o Hodáay Chokk ent. É háterá ham nebisag butagant ke shomá cha imánay ráhá, áiay námay barkatá abamánén zenday wáhond bebét.

Yuhanná 3:36

Á kas ke Chokkay sará imána kárit, abadmánén zenday wáhonda bit, bale á ke Chokká namannit, zenday wáhonda nabit o Hodáay kahr o gazab áiay sará kapit.

Yuhanná 5:14

Randá Issáyá é mard mazanén parasteshgáhá dist, gwashti: “Bechár, nun ke taw dráh butagay, cha ed o dém gonáh makan. Chosh mabit ke ganterén baláhé tai sará bekapit.”

Yuhanná 6:69

márá báwar ent o zánén ke taw hamá Pákén ay ke Hodáyá dar chetag.”

Yuhanná 9:22

Áiay pet o mátá cha Yahudián torset, paméshká é dhawlá passawesh dát. Yahudián cha pésará shawr kortagat ke harkas báwar bekant o begwashit ke Issá, Masih ent, áiá cha kanisahá dara kanén.

Yuhanná 9:34

Gwashtesh: “Taw wat sará tán pádán gonáhay chokk ay o márá tálima dayay?” Gorhá á mardesh gallént.

Kásedáni Kár 8:36

Á, ráhá rawán, yakk anchén jágahéá rasetant ke ódá ápsaré hastat, kelitdárá gwasht: “Bechár, edá áp hastent, parwáh nést man hamedá pákshódi bekanán?”

Kásedáni Kár 8:37

Piliposá passaw dát: “Agan taw pa del o setk báwarmand butagay, pákshódi korta kanay.” Áiá darráént: “Man báwara kanán ke Issá Masih Hodáay Chokk ent.”

Kásedáni Kár 9:20

Shául, hamódá Yahudiáni kanisahá shot o jária jat ke Issá Hodáay Chokk ent.

Pulosay kágad pa Rumián 10:20

Gorhá, Eshayá nabi pa deléri o tamardi cha Hodáay kawlá gwashit: “Maná hamáyán dar gétk ke mani shóházá naatant, man watá pa hamáyán paddar kort ke mani jost o porsá naatant.”

Yuhannáay Awali Kágad 4:15

Á ke mannit Issá Hodáay chokk ent, Hodá áiay delá jágaha kant o á Hodáay arwáh o jabiná.

Yuhannáay Awali Kágad 5:10

Harkas ke Hodáay Chokkay sará báwara kant, áiá é gwáhi wat gón ent, bale á ke Hodáay sará báwara nakant, Hodái drógband kortag, chéá ke Hodáay gwáhi dayagi pa Chokká báwar nakortag.

Yuhannáay Awali Kágad 5:13

É chizzon pa shomá nebeshtant ke shomárá Hodáay Chokkay námay sará báwar ent, tán bezánét ke namiránén zenday wáhond ét.

Yuhannáay Awali Kágad 5:20

É chizzá ham zánén ke Hodáay Chokk átkag o márá é póh o zánti dátag ke á “Rásténá” bezánén. Má hamá “Rásténay” arwáh o jabiná én, áiay Chokk Issá Masihay arwáh o jabiná. Rástén Hodá o namiránén zend, hamá ent.

Yuhannáay Awali Kágad 5:5

Abéd cha á kasá ke báwara kant Issá Hodáay Chokk ent, dega kay donyáyá érdast korta kant?

Yuhannáay Saymi Kágad 1:10

Wahdé wat byáyán, áiay káráni hesáb o ketábá kanán, chéá ke may helápá drógén bohtám sheng o tálán kanagá ent. Pa inchoká ham bassa nakant, brátán wasshátka nakant o á degarán ham ke brátán wasshátk kanaga lóthant pa é kárá naylit o áyán cha kelisáyá dara kant o gallénit.