Yuhanná 8:9 - Hodáay Pákén Ketáb Balochi zobáná

⁹ Gón é habaray eshkonagá, awalá kamásh yakk yakká dar átk o shotant o randá é dega mardom. Nun bass Issá o hamá óshtátagén janén pasht kaptant.

Yuhanná 8:9 ပူးပေါင်းရင်းမြစ်များ

Zabur 40:14

Á sajjahén ke mani kóshay randá ant o mani marká lóthant sarjahl o sharmsár bátant, á ke mani syahróchiay padá ant poshtá berawát o roswá bátant.

Zabur 50:21

Taw é kár kortagant o man hecch nagwasht, hayálet kort ke man tai payméné án. Bale nun tará malámata kanán o tai mayár o gonáhán tai chammáni démá éra kanán.

Zabur 71:13

Mani bohtám janók sharmsár o tabáh bátant o á ke mani ázáray padá ant pashal o sharmendag bátant.

Luká 13:17

Wahdé Issáyá chosh gwasht, áiay sajjahén badwáh pashal o sharmendag butant. Bale é dega sajjahén mardom cha Issáay é mójezah o ajabén kárán báz washdel o shádán butant.

Yuhanná 8:10

Issáyá sar chest kort o gón janéná gwashti: “Oo bánok! Mardom kojá shotant? Pa tai mayárbár kanagá yakké ham pasht nakapt?”

Yuhanná 8:12

Issáyá padá gón mardomán habar kort, gwashti: “Jahánay nur o rozhn man án. Kasé ke mani randgiriá kant, áiay ráh hechbar tahára nabit o á zenday rozhnáiay wáhonda bit.”

Yuhanná 8:2

Sabáhá máhallah Issá padá mazanén parasteshgáhá átk. Sajjahén mardom áiay chapp o chágerdá mocch butant. Issá nesht o áyáni tálim dayagá lagget.

Yuhanná 8:3

Hamé wahdá Sharyatay zánóger o Parisián janéné áwort ke zenáay wahdá gerag butagat. Janénesh mardománi démá óshtárént.

Yuhanná 8:8

Padá sari jahl kort o zeminay sará chizzé nebeshti.

Pulosay kágad pa Rumián 2:15

Gón wati é kárán pésha dárant ke Sharyatay rahband áyáni delá naksh ant. Áyáni del o jabin pa eshiá gwáhia dant o pegr o hayálesh baré áyán mayárig o baré bémayára kanant.

Pulosay kágad pa Rumián 2:22

Taw ke zenáyá makan o manaha kanay, bárén wat zená nakanay? Tará ke cha botán naprat ent, bárén wat botáni parasteshgáhána napolay?