Yuhanná 8:6 - Hodáay Pákén Ketáb Balochi zobáná

⁶ Áyán é habar paméshká kort ke Issáyá dámá dawr bedayant o Issá anchén habaré bekant ke mayárbár bebit, bale Issá jahl but o gón lankoká zeminay sará chizzé nebisagá lagget.

Yuhanná 8:6 ပူးပေါင်းရင်းမြစ်များ

Pédáesh 49:9

Yahudá shéri gollorhé. Oo mani chokk! Taw cha shekárán átkagay. Yahudá chó sherá srápa kant, chó mádagén shérá kamina kant. Kai majál ent ke pádi bekant?

Zabur 39:1

Gwashton ke “pahréza kanán tán gón wati zobáná gonáh makanán. Tán wahdé badkáré mani kerrá ent wati dapá lagáma kanán.”

Dányál 5:5

Anágahá mardomi dastéay lankok záher butant o cherágdánay domi némagá, sháhi kalátay diwálay dónay sará nebeshtah kanagá laggetant. Bádsháhá nebeshtah kanókén dastay posht dist.

Mattá 10:16

Gósh dárét! Man shomárá rawána kanán, bale shomá anchosha bét ke gorkáni nyámá pas. Paméshká máráni dhawlá hozzhár o kapódaráni dhawlá sádah bebét.

Mattá 15:23

Bale Issáyá jwábé nadát. Nun moridán dazbandi kort: “Eshiá yal kan, galléni, may randá kaptag o báz kukkár kanagá ent.”

Mattá 16:1

Parisi o Sadukiáni lahtén mardom Issáay kerrá pa áiay chakkásagá átk o ásmáni neshánié lóthetesh.

Mattá 19:3

Lahtén Parisi, Issáay chakkásagá áiay kerrá átk o jostesh kort: “Bárén, pa mardá rawá ent ke wati janay talák o sawnán bedant, sawab toré harché bebit?”

Mattá 22:18

Issáyá áyáni gandagén pegr zánt o gwashti: “Oo dopóstén shatalkárán! Chéá maná chakkásagá ét?

Mattá 22:35

Cha áyán yakkéá, ke Sharyatay kázié at, pa Issáay chakkásagá cha áiá jost kort:

Mattá 26:63

Bale Issáyá passaw nadát. Masterén dini péshwáyá padá gón áiá gwasht: “Man tará namiránén Hodáay sará sawgenda dayán, márá begwash, bárén, taw hamá Masih, Hodáay Chokk ay?”

Markás 10:2

Lahtén Parisi átk o pa áiay chakkásagá jostesh kort: “Bárén, rawá ent ke mard wati janay talák o sawnán bedant?”

Markás 12:15

Issáyá áyáni é dotal o dopósti zánt o gwashti: “Chéá maná chakkásagá ét? Yakk dináré byárét tán bechárán.”

Markás 3:2

Neshtagén mardom Issáay entezár o wadárá atant ke agan é marday dastá Shambehay róchá dráh bekant, gorhá má áiay sará Shabbatay róchá kár kanagay bohtámá jata kanén.

Markás 8:11

Lahtén Parisi Issáay kerrá átk o gón áiá gapp o tráná nesht, tán áiá bechakkásant o dámá dawr bedayant. Gwashtesh: “Márá ásmáni neshánié pésh kan tán báwar bekanén ke tará Hodáyá rawán dátag.”

Luká 10:25

Cha Sharyatay kázián yakké, Issáay kerrá átk o pa áiay chakkásá josti kort: “Oo ostád! Man chón bekanán ke namiránén zenday wáhond bebán?”

Luká 11:16

Dega lahténá pa Issáay chakkásagá cha áiá ásmáni neshánié lóthet.

Yuhanná 8:2

Sabáhá máhallah Issá padá mazanén parasteshgáhá átk. Sajjahén mardom áiay chapp o chágerdá mocch butant. Issá nesht o áyáni tálim dayagá lagget.