Yuhanná 8:37 - Hodáay Pákén Ketáb Balochi zobáná

³⁷ Mana zánán ke shomá Ebráhémay awlád ét, bale mani habarán shomay delá jágah nést, paméshká mani koshagay randá ét.

Yuhanná 8:37 ပူးပေါင်းရင်းမြစ်များ

Mattá 13:15

chéá ke é kawm sengdel butag, góshesh grán ant, áyán wati chamm bastagant chó mabit áyáni chamm begendant, áyáni gósh beshkonant, áyáni del bezánant o sarpad bebant o mani némagá per betarrant ke man áyán dráh bekanán.

Mattá 3:9

Cha wati delá é habará dar bekanét ke ‘má Ebráhémay nasl o óbádag én.’ Man shomárá gwashán ke Hodá cha é seng o dhókán ham, pa Ebráhémá chokk o óbádag pédá korta kant.

Yuhanná 10:31

Yahudián yakk baré padá seng o dhók chet ke áiá sengsár bekanant.

Yuhanná 11:53

Cha á róchá o rand, Issáay koshagay pandalesh sázet.

Yuhanná 5:44

Shomá cha yakdegará mazani o ezzata zurét, bale á ezzat ke cha Hodáay némagá kayt, áiay shóházá naét. Gorhá chón imán áworta kanét?

Yuhanná 7:1

Randá, Issáyá Jalilá tarr o tába kort. Yahudi áiay kóshay randá atant, paméshká nalótheti Yahudiahá bemánit.

Yuhanná 7:19

Mussáyá shomárá Sharyat nadátag? Angat cha shomá hechkas Sharyatá dáragá naent. Parchá maná koshaga lóthét?”

Yuhanná 7:25

Gorhá Urshalimay lahtén mardom gwashagá lagget: “É hamá naent ke eshiay koshagay randá ant?

Yuhanná 8:33

Áyán gwasht: “Má Ebráhémay awlád én o hechbar kaséay golám nabutagén. Gorhá taw chóna gwashay ke ‘shomá ázáta bét’?”

Yuhanná 8:43

Chéá mani habarán sarpada nabét? Chéá ke shomárá mani habaráni gósh dáragay twán nést.

Yuhanná 8:56

Shomay pet Ebráhém, pa hamé ométá shádán at ke mani róchá gendit. Áiá dist o gal but.”

Yuhanná 8:59

Áyán pa Issáay janagá seng o dhók chet, bale Issá cha mardománi chammán chér o andém but, cha mazanén parasteshgáhá dar átk o shot.

Yuhanná 8:6

Áyán é habar paméshká kort ke Issáyá dámá dawr bedayant o Issá anchén habaré bekant ke mayárbár bebit, bale Issá jahl but o gón lankoká zeminay sará chizzé nebisagá lagget.

Kásedáni Kár 13:26

Oo brátán, oo Ebráhémay nasl o padréch o darkawmén Hodátorsán! É rakkénagay kolaw o paygám, pa máshomá rawán dayag butag.

Pulosay kágad pa Rumián 9:7

Ebráhémay har chokk o nomásagé áiay rástén óbádag naent. Bale “tai nasl o padréch cha Esáká hesáb áraga bit.”

Yuhannáay Awali Kágad 2:14

Oo chokkán! Pa shomá nebisagá án, chéá ke shomá Petá zánét. Oo wájahén petán! Pa shomá nebisagá án, chéá ke shomá hamáiá zánét ke cha azalá ent. Oo warnáyán! Pa shomá nebisagá án, chéá ke twáná o tamard ét o Hodáay habar shomay delá ent o shomá Shaytán prósh dátag.