Yuhanná 7:7 - Hodáay Pákén Ketáb Balochi zobáná

⁷ Donyá cha shomá naprat korta nakant bale cha man naprata kant, chéá ke man donyáay mardománi bárawá gwáhia dayán ke áyáni kár sell ant.

Yuhanná 7:7 ပူးပေါင်းရင်းမြစ်များ

Zabur 109:5

Mani nékiáni badalá gón man badia kanant o mehray badalá naprat.

Luká 6:26

Bazhn o apsóz pa shomá, wahdé ke sajjahén mardom shomárá satá dayant o sárháyant, chéá ke áyáni pet o pirénán ham gón drógén nabián, anchosh kort.

Yuhanná 17:14

Man tai habar esháná sar kort. Anchosh ke man donyái mardomé naán, é ham donyái mardom naant, paméshká donyá cha eshán naprata kant.

Yuhanná 3:19

Hodáay dádrasi esh ent: Nur o rozhn jaháná átk, bale rozhnay badalá mardomán taháróki dóst dásht, parchá ke áyáni kár sell atant.

Pulosay kágad pa Rumián 8:7

Hamá pegr o hayál Hodáay dozhmen ent ke mahári gonahkárén sareshtay dastá ent. Á watá Hodáay Sharyatay dastá nadant, é kárá kort ham nakant.

Pa Galátián Pulosay kágad 4:16

Gorhá nun man shomay dozhmen jórh butagán ke gón shomá rástén habará kanán?

Ákub 4:4

Oo zenahkárán! Nazánét ke donyáay dósti, Hodáay dozhmeni ent? Harkas ke donyáay dóstiay randá ent, watá Hodáay dozhmena jórhénit.

Yuhannáay Awali Kágad 4:5

Á donyáayg ant, paméshká harché ke gwashant ham donyái ent o donyáay gósh áyáni némagá ent.