Yuhanná 7:17 - Hodáay Pákén Ketáb Balochi zobáná

¹⁷ Harkas ke Hodáay wáhagán sarjam kanag belóthit, zánt ke mani tálim Hodáayg ant yá man cha wat habara kanán.

Yuhanná 7:17 ပူးပေါင်းရင်းမြစ်များ

Zabur 119:10

Tará pa setk o del shóháza kanán, maná mayl ke tai hokmáni ráhá yalah bekanán.

Zabur 25:12

Kay ent hamá ke pa del Hodátors bebit? Hodáwand áiá hamá rástén ráhá sója dant ke báyad ent gechéni bekant.

Zabur 25:14

Hodáwand wati delay ráz o ramzán gón Hodátorsán darshána kant, wati ahd o paymáná pa áyán pajjárénit.

Dányál 12:10

Bázéné watá sáp o bépólenga kant o palgáraga bit, bale á ke badkár ant wati badkáriá démá barant. Hecch badkár sarpada nabit bale dáná sarpada bant.

Mattá 6:22

Chamm, jesm o jánay cherág ent. Agan tai chamm wassh o dráh ent, gorhá tai sajjahén jesm o ján rozhnága bit.

Luká 8:15

Sharrén zeminá retkagén tohmáni máná, hamá mardom ant ke Hodáay habarán gósha dárant o pa setk o del o pákén niyaté áyána mannant. É chó hamá keshárá ant ke hóshag o bara kanant o páydára bant.

Yuhanná 3:21

Bale á ke rástiay ráhá zurit, dém pa rozhnáiá kayt tánke záher bebit ke áiay kár Hodái butagant.

Yuhanná 8:43

Chéá mani habarán sarpada nabét? Chéá ke shomárá mani habaráni gósh dáragay twán nést.

Yuhanná 8:44

Shomá wati pet, bezán Eblisay chokk ét o hamáiay morád o wáhagáni sará kár kanaga lóthét. Á cha bendátá hónigé o cha rástiá dur ent, chéá ke áiá hecch rásti mán nést. Wahdé dróga bandit, wati jenday delay habará kant, chéá ke drógbandé o drógáni pet ent.

Yuhanná 8:47

Á ke Hodái mardomé, Hodáay habará gósha dárit. Shomá Hodáay habará gósha nadárét, chéá ke Hodái mardom naét.”

Kásedáni Kár 17:11

É shahray Yahudi cha Tesálunikiay shahray Yahudián wáhagdárter atant. Áyán, pa hobb o hodók Hodáay habar mannet o har róch Pákén Ketábesha wántant o patth o pólesha kort tán bezánant bárén Pulosay habar rást ant yá na?