Yuhanná 7:15 - Hodáay Pákén Ketáb Balochi zobáná

¹⁵ Yahudián pa hayráni gwasht: “É mardá nawántag, inchok zántkári cha kojá áwortagi?”

Yuhanná 7:15 ပူးပေါင်းရင်းမြစ်များ

Mattá 13:54

Wati jenday shahrá átk, óday kanisahá mardománi tálim dayagi bongéj kort. Mardom pa hayráni gwashagá laggetant: “Eshiá é zánt o zánag o é dhawlén ajabén kár kanagay wák o twán cha kojá rasetag?”

Mattá 22:22

É habaráni eshkonagá á hayrán butant o Issáesh esht o shotant.

Mattá 22:33

Mardom cha Issáay é habaráni eshkonagá hayrán o habakkah butant.

Luká 2:47

Sajjahén eshkonók cha áiay hóshmandi o passawán hayrán atant.

Luká 4:22

Harkasá pa áiá sharrén gwáhié dát o cha áiay pormehrén habarán, sajjahén mardom hayrán o habakkah mantant. Gwashtesh: “Bárén, é hamá Issopay chokk naent?”

Yuhanná 1:19

Wahdé Urshalimay shahray Yahudián wati lahtén dini péshwá o Láwi kabilahay mardom Yahyáay kerrá rawán dát ke jost begerant: “Taw kay ay?” Áiá enkár nakort, tachk o pa rásti gwáhi dát o gwashti: “Man Masih naán.”

Yuhanná 7:11

Aiday róchán, Yahudi áiay shóházá atant o jost o porsesha kort ke á kojá ent?

Yuhanná 7:13

Bale cha Yahudiáni torsá, kassá mardománi démá áiay bárawá heccha nagwasht.

Yuhanná 7:46

Sepáhigán gwasht: “Tán é wahdi hechkasá é marday dhawlá habar nakortag.”

Kásedáni Kár 26:24

Hamedá, Pestusá pa borztawári Pulosay habaray tahá dawr kort o gwashti: “Oo Pulos! Taw bésár ay, tai géshén zánt o zánagá tará ganók kortag.”

Kásedáni Kár 4:13

Áyán ke Petros o Yuhannáay deléri o bahádorri dist o zántesh ke á náwánendah o ámién mardom ant, hayrán butant. Randá pajjáhesh áwortant, ke á Issáay hamráh butagant.