Yuhanná 6:55 - Hodáay Pákén Ketáb Balochi zobáná

⁵⁵ Chéá ke mani jesm o ján asligén warák o mani hón asligén nósháp ent.

Yuhanná 6:55 ပူးပေါင်းရင်းမြစ်များ

Zabur 4:7

Taw mani del cha shádániá sarréch kortag, cha áyáni hamá wahday shádániá géshter ke dán o gallah o tázagén sharábesh báz bebant.

Yuhanná 1:47

Wahdé Issáyá Natnáil dist ke á dém pa man pédák ent, gwashti: “É tachkén Bani Esráilié o eshiay delá hecch paymén repk o honar mán nést.”

Yuhanná 1:9

Hamá rástén rozhn ke pa sajjahén mardomán rozhnáia kárit, nun jaháná pédák at.

Yuhanná 15:1

Man anguray asligén drachk án o mani Pet bágpán ent.

Yuhanná 6:32

Gorhá Issáyá gwasht: “Shomárá rásténa gwashán, é Mussá naat ke shomárá cha ásmáná ér átkagén nagania dát. É mani Pet ent ke cha ásmáná asligén náná shomárá bakshit.

Yuhanná 6:54

Harkas ke mani jesm o jáná bwárt o mani hóná benóshit, abadmánén zenday wáhonda bit o áheratay róchá man áiá zendaga kanán.

Yuhanná 6:56

Harkas ke mani jesm o jáná bwárt o mani hóná benóshit, á mani del o daruná mánit o man áiay del o daruná.

Yuhanná 8:31

Randá, Issáyá gón hamá Yahudián gwasht ke áiay sará imánesh áwortagat: “Agan mani habaráni sará bóshtét, pa del mani morid ét.

Yuhanná 8:36

Gorhá, agan Chokk shomárá ázát bekant, pa rásti ázáta bét.

Yuhannáay Awali Kágad 5:20

É chizzá ham zánén ke Hodáay Chokk átkag o márá é póh o zánti dátag ke á “Rásténá” bezánén. Má hamá “Rásténay” arwáh o jabiná én, áiay Chokk Issá Masihay arwáh o jabiná. Rástén Hodá o namiránén zend, hamá ent.