Yuhanná 5:46 - Hodáay Pákén Ketáb Balochi zobáná

⁴⁶ Agan shomárá Mussáay sará imán butén, shomárá mani sará ham imán butagat, chéá ke áiá mani bárawá nebeshtag.

Yuhanná 5:46 ပူးပေါင်းရင်းမြစ်များ

Pédáesh 12:3

Hamá mardom ke tará barkata dayant, man áyán barkata dayán o hamá mardom ke tará nálata kanant, man áyán nálata kanán o zeminay sajjahén kawm tai sawabá barkata gerant.”

Pédáesh 18:18

Ebráhém allamá mazan o zórmandén kawmé jórha bit o áiay sawabá zeminay sajjahén kawm barkata gerant.

Pédáesh 22:18

zeminay sajjahén kawm tai poshpaday sawabá barkata gerant, chéá ke taw mani habar zortag.’”

Pédáesh 28:14

Tai chokk o nomásag zeminay hákáni kesásá báza bant o shomá ródarátk o rónend o shomál o jonub, chárén némagán tálána bét. Zeminay sajjahén kawm tai o tai nasl o padréchay sawabá barkata gerant.

Pédáesh 3:15

Man taig o janénay nyámá, tai nasl o janénay naslay nyámá dozhmeni pédá kanán. Eshiay nasl tai saragá jant o taw áiay páday punzá janay.”

Pédáesh 49:10

Bádsháhi asá cha Yahudáay dastá narawt o hákemiay dazlatth cha áiay pádáni démá dura nabit tán hamá wahdá ke asligén wáhonda kayt o kawm áiay parmánbardára bant.

Luká 24:27

Randá Issáyá wati bárawá, Mussá o sajjahén nabiáni Pákén Ketábáni tahá, harché ke nebisag butagat, á sarpad kortant.

Yuhanná 1:45

Pilipos Natnáilay kerrá shot o gwashti: “Má hamá kas dar gétkag ke Mussáyá Tawrátay tahá áiay bárawá nebeshtah kortag o á dega nabián ham áiay bárawá nebeshtah kortag. Á, Issá Náseri ent, Issopay chokk.”

Yuhanná 5:47

Bale shomá ke áiay nebeshtah kortagénán báwara nakanét, mani habarán chón báwara kanét?”

Kásedáni Kár 26:22

Bale Hodáyá maná tán maróchigá komakk kortag o nun edá óshtátagán o mazan o kasán, sajjahénáni démá gwáhia dayán. É habarán ke man kanagá án, cha Mussá o é dega nabiáni péshgóián dhann naant,

Pulosay kágad pa Rumián 10:4

Masih, Sharyatay sarjami o halási ent. Ásar esh ent, harkas ke báwara kant, pák o palgár zánaga bit.

Pa Galátián Pulosay kágad 2:19

Chéá ke wahdé man zánt ke Sharyatá dáshta nakanán, man Sharyatay chammán mortán ke pa Hodáyá zendag bebán.

Pa Galátián Pulosay kágad 3:10

Á ke Sharyati káráni sará tawkala kanant, áyáni sará nálat ent. Chéá ke Pákén Ketábá nebeshtah ent: “Harkas ke dáemá Sharyatay Ketábay sajjahén nebeshtaháni páband naent o áyáni sará kára nakant, á nálatié.”

Pa Galátián Pulosay kágad 3:13

Hamá nálat ke may sará at Masihá wati sará zort o é dhawlá márá cha Sharyatay nálatá móketi, chéá ke nebeshtah ent: “Harkas ke dáray sará dranjag but, nálatié.”

Pa Galátián Pulosay kágad 3:24

Gorhá, Sharyat may sarparast butag ke márá tán Masihá sar bekant, tánke má imánay sawabá pák o palgár hesáb bebén.