Yuhanná 5:26 - Hodáay Pákén Ketáb Balochi zobáná

²⁶ Chéá ke hamá dhawlá ke Pet zendmánay sarchammag ent, Chokká ham é wák o twáni dátag ke zendmánay sarchammag bebit.

Yuhanná 5:26 ပူးပေါင်းရင်းမြစ်များ

Zabur 36:9

Chiá ke zendmánay sarchammag taw ay o cha tai nurá ent ke nura gendén.

Zabur 90:2

Cha kóháni pédá bayag o zemin o jahánay addh kanagá pésar, cha azal tán abad, Hodá taw ay.

Dargwaz 3:14

Hodáyá gwasht: “Man hamá án ke hastán. Gón Bani Esráilá begwash ke hamá ke nám enti ‘Man Hamá Án’, hamáiá maná shomay kerrá ráh dátag.”

Yuhanná 1:4

Zenday sarchammag Gál at o zend mardománi nur o rozhn at.

Yuhanná 10:18

Kass mani sáhá cha man pach gepta nakant, man gón wati jenday wáhagá wati sáhá nadra kanán. Maná wati sáhay dayagay ehtiár hastent o padá áiay dastá áragay ehtiár ham hastent. É kár Petá maná parmátag.”

Yuhanná 11:25

Issáyá gwasht: “Zenday sarchammag man án o é man án ke mordagán dobar zendaga kanán. Agan kasé mani sará imán byárit, toré bemerit ham padá zendaga bit.

Yuhanná 11:26

Harkas ke zendag ent o mani sará imána kárit, hechbara namerit. É habará báwara kanay?”

Yuhanná 14:19

Kammén wahdéá rand, jahán dega randé maná nagendit, bale shomá maná gendét. Man zendag án, paméshká shomá ham zendaga mánét.

Yuhanná 14:6

Issáyá gwasht: “Ráh man án, rásti man án o zend bakshók ham man án. Kass Petay kerrá sar buta nakant, agan mani ráhá marawt.

Yuhanná 4:10

Issáyá áiay passawá gwasht: “Agan taw bezántén ke Hodáay dád o bakshesh chéé o é kay ent ke cha taw ápa lóthit, gorhá allamá taw gón áiá dazbandi kortagat ke maná áp beday o áiá tará zendáp dátagat.”

Yuhanná 6:57

Anchó ke namiránén Petá maná rawán dát o man áiay barkatá zendag án, hamé paymá harkas ke mani jesm o jáná bwárt, mani barkatá zendaga mánit.

Yuhanná 8:51

Shomárá rásténa gwashán, agan kasé mani habará begipt, hechbara namerit.”

Kásedáni Kár 17:25

Á pa Ensánay hecch chizzá wázmand naent o hechkas pa áiá hezmaté korta nakant, chéá ke á wat harkasá zend o sáha bakshit o ensánay é dega lóth o garazán ham sarjama kant.

Pa Timutáusá Pulosay awali kágad 1:17

Abadmánén bádsháh, bezán hamá yakkén Hodá ke namirán ent o cha chammán chér o andém ent, áiay ezzat o shawkat abad tán abad barjáh bát. Anchosh bát. Ámin.

Pa Timutáusá Pulosay awali kágad 6:16

hamá ke yakk o tahná namirán ent o áiay dargáh anchén rozhné ke kass ódá raseta nakant o kassá nadistag o disti ham nakant. Áiay sharap o ezzat o zór o wák tán abad barjáh bát. Anchosh bát. Ámin.

Elhám 21:6

Chosh ham maná gwashti: “Kár halletant. Bendát man án o halási man án, bongéj o ásar. Hamá ke tonnig ent, man áiá cha zenday chammagá mopt o bé zarrá ápa dayán.

Elhám 22:1

Randá préshtagá maná zendápay kawr pésh dásht ke chó bolórá sáp at. Cha Hodá o Gwarándhay tahtá dar áyagá ent o

Elhám 22:17

Pákén Ruh o bánóra gwashant: “Byá.” Hamá ke eshkont, bell gwashit “Byá.” Hamá ke tonnig ent, bell kayt, hamá ke lóthók ent bell cha zendápá mopt o bé zarrá zurit.

Elhám 7:17

Chéá ke tahtay nyámá óshtátagén Gwarándh, esháni shepánka bit o eshán zendápay chammagáni ráhá pésha dárit o Hodá cha esháni chammán har arsá pahka kant.”