Yuhanná 5:23 - Hodáay Pákén Ketáb Balochi zobáná

²³ tánke sajjahén mardom hamá dhawlá ke Petá ezzata dayant, Chokká ham ezzat bedayant. Kasé ke Chokká ezzata nadant, Petá ham ezzata nadant, chéá ke Chokkay dém dayók Pet ent.

Yuhanná 5:23 ပူးပေါင်းရင်းမြစ်များ

Zabur 2:12

Chokká bechokkét chó mabit ke zahr begipt o shomá ráhay némá gár o bégwáh bebét, chiá ke á anágat bránza gipt. Bahtáwar hamá ant ke áiay mayár o báhótha bant.

Mattá 10:37

Kaséá ke wati pet o mát cha man dósttera bant, á maná nakarzit o kaséá ke wati bachakk o jenekk cha man dósttera bant, á ham maná nakarzit.

Mattá 11:27

Sajjahén chizz, Petá mani dastá dátagant. Abéd cha Petá, hechkas Chokká nazánt. Hamé dhawlá, dega hechkas Petá nazánt, abéd cha Chokká o hamá mardomán ke Chokk belóthit Petá pa áyán paddar bekant.

Mattá 12:21

Pa donyáay kawmán áiay nám mazanén omété bit.

Mattá 15:8

É mardom dapá maná satá dayant, bale delesh cha man báz dur ent.

Mattá 28:19

Paméshká, berawét sajjahén kawmán mani morid bekanét, Pet o Chokk o Pákén Ruhay námá pákshódi bedayét o

Luká 10:16

Agan kasé shomay habarán gósh bedárit, á mani habarán ham gósha dárit. Harkas shomárá mamannit, á maná ham namannit o mani namannók áiá ham namannit ke maná ráhi dátag.”

Yuhanná 14:1

Shomay del paréshán mabit. Hodáay sará imán byárét o mani sará ham imán byárét.

Yuhanná 16:14

Á mani shán o shawkatá záhera kant, chéá ke harché ke shomárá sarpada kant, cha manesha zurit.

Yuhanná 17:10

Hamá ke manig ant, á sajjahén taig ant o hamá ke taig ant, á sajjahén manig ant o mani shán o shawkat cha áyán záher butag.

Pulosay kágad pa Rumián 1:7

Pa Rumay hamá sajjahén mardomán ke Hodáyá dóst ant o gwánk janag butagant ke pák o palgár bebant. Cha may Hodáén Pet o Hodáwandén Issá Masihá pa shomá rahmat o émeni sar bát.

Pulosay kágad pa Rumián 15:12

Eshayá nabi ham gwashit: “Yassiay risshaga rodit, hamá ke páda kayt tán darkawmáni sará bádsháhi bekant, áiay sará darkawm ométa bandant.”

Pulosay kágad pa Rumián 6:22

Bale nun ke cha gonáhay némagá ázát butagét o Hodáay golám ét, samaré ke katthét palgári ent o áiay ásar namiránén zend.

Pulosay kágad pa Rumián 8:9

Bale shomá gonahkárén sareshtay dastá naét, Ruhay dastá ét, parchá ke Hodáay Ruh shomay delá neshtag. Agan kaséá Masihay Ruh gón mabit, á Masihay naent,

Pa Timutáusá Pulosay domi kágad 1:12

Man paméshká sakki o sóri saggagá án, bale sharmendag naán chéá ke zánán man kai sará imán áwortag o deljam án ke áiá é wák o twán hast ke tán wati áyagay róchá hamá amánatay negahpániá bekant ke maná dátagi.

Petrosay Domi Kágad 1:1

Cha Issá Masihay hezmatkár o kásed, Shamun Petrosay némagá, pa hamáyán ke cha may Hodá o rakkénók Issá Masihay barkatá, hamá paymén bébaháén báwaré rasetagesh ke márá rasetag.

Petrosay Domi Kágad 3:18

Gón may Hodáwand o rakkénók Issá Masihay rahmat o zántá, rost o rodóm gerán bebét. Shán o shawkat annun tán abad, hamáiayg ent. Anchosh bát. Ámin.

Yuhannáay Awali Kágad 2:23

Harkas ke Chokká namannit, Pet ham áiayga nabit. Harkas ke Chokká mannit, Pet ham áiayga bit.

Yuhannáay Domi Kágad 1:9

Harkas ke Masihay tálimay sará mohr maóshtit o watsará démáter berawt, Hodá áiayg naent, bale harkas ke Masihay tálimay sará mohr bóshtit, ham Pet áiayg ent, ham Chokk.