Yuhanná 4:32 - Hodáay Pákén Ketáb Balochi zobáná

³² Bale áiá gwasht: “Maná waráké hast ke shomá áiay bárawá nazánét.”

Yuhanná 4:32 ပူးပေါင်းရင်းမြစ်များ

Zabur 119:103

Tai habar chónén shirkenén támé kanant, mani dapá cha bénagá shirkenter ant.

Zabur 25:14

Hodáwand wati delay ráz o ramzán gón Hodátorsán darshána kant, wati ahd o paymáná pa áyán pajjárénit.

Zabur 63:5

Arwáhon anchosh séra bit chó ke yakké wasshén waráké bwárt o dapon gón shádmánén lonthán tará názénit.

Yuhanná 4:31

É nyámá moridán gón Issáyá dazbandi kort o gwasht: “Oo ostád! Chizzé bwar.”

Yuhanná 4:33

Moridán watmánwatá gwasht: “Bárén, kaséá pa áiá warák áwortag?”

Yuhanná 4:34

Issáyá gwasht: “Mani warák esh ent ke wati dém dayókay wáhagá purah bekanán o áiay kárán sarjam bekanán.

Kásedáni Kár 20:35

Man shomárá darwar o nemunah pésh kortag ke shomá ham mani dhawlá wati dastán kár bebandét o kár bekanét o wár o bazzagán komakk bedayét. Shomá cha Hodáwandén Issáay é habarán bétránag mabét o mashamóshét ke áiá gwasht: ‘Cha zuragá, dayag bahtáwarter ent.’”

Elhám 2:17

Harkasá ke gósh per, gósh bedárit ke Pákén Ruh gón kelisáyán ché gwashit. Hamá ke sóbéna bit, man áiá cha chér o panáhén manná bahré dayán. Man á mardomá espétén sengé ham dayán ke áiay sará nókén námé nebeshtah ent. É námá tahná hamá zánt ke áiá dayaga bit.