Yuhanná 20:17 - Hodáay Pákén Ketáb Balochi zobáná

¹⁷ Issáyá gwasht: “Maná dast majan, chéá ke angat Petay kerrá borzád nashotagán, bale mani brátáni kerrá beraw o áyán begwash ke nun man dém pa wati Petá o shomay Petá, wati Hodáyá o shomay Hodáyá borzáda rawán.”

Yuhanná 20:17 ပူးပေါင်းရင်းမြစ်များ

Zabur 22:22

Tai námá pa wati brátán jára janán o mocchiay nyámá tará názénán.

Zabur 43:4

Á wahdi Hodáay korbánjáhá rawán, dém pa Hodáyá ke mani wasshi o shádehi ent. Oo Hodá, mani Hodá! Tará gón changá názénán.

Zabur 48:14

ke Hodá hamesh ent, may Hodá, abad tán abad, hamá ent ke tán marká may rahshóna bit.

Zabur 68:18

Á wahdá ke arshá borz butay bázén bandigé zortet, cha mardomán thékiet zort, tantaná cha sarkashán ham, tánke taw, oo Hodáwandén Hodá, ódá jahmenend bebay.

Zabur 89:26

Á maná gwánka jant o gwashit: ‘Taw mani Pet ay, mani Hodá o mani nejátay talár.’

Mattá 12:50

Harkas ke mani ásmáni Petay wáhag o razáay sará kára kant, mani brát, mani mát o gohár hamá ent.”

Mattá 25:40

Bádsháh passawa dant: ‘Báwar kanét, wahdé shomá gón mani yakk kaster kasterén brátéá é paymén kár kortag, gorhá allam bezán gón manó ham kortag.’

Mattá 28:7

Eshtápiá berawét o áiay moridán sahig kanét ke á cha mordagán zendag butag o cha shomá pésar Jalilá rawt, hamódá áiá gendét. Nun man shomárá hál dát.”

Markás 12:26

Mordagáni padá zendag bayag o jáh janagay bárawá, záná shomá Mussáay ketábá bon geptagén dhólokay kessah nawántag, ke Hodáyá gón Mussáyá chón habar kort? ‘Man án, Ebráhémay Hodá, Esákay Hodá o Ákubay Hodá.’

Markás 16:19

Anchosh ke Hodáwandén Issáyá gón áyán wati habar halás kortant, ásmáná barag but o Hodáay rástén némagá nesht.

Luká 10:4

Wati sát o sapará gón wat, na zarturag o lót o pélek bezurét o na chawath o swás. Ráhá, gón kaséá géshén tayárjórhi makanét.

Yuhanná 13:1

Sargwazay Aidá yakk o do róch pasht kaptagat. Issáyá zánt ke hamá sáhat o damán átkag ke man é jaháná yalah bedayán o Petay kerrá berawán. Áiá wati mardom é jaháná dóst dáshtagatant o tán wati omray áheri damáná pa del dóstia dáshtant.

Yuhanná 13:3

Issáyá zánt ke Petá sajjahén chizz mani dastá dátagant o man cha Hodáay némagá átkagán o hamáiay kerrá rawán.

Yuhanná 14:2

Mani Petay lógá bázén báné hast. Agan na, man shomárá gwashtagat ke rawán tánke pa shomá jágahé tayár bekanán.

Yuhanná 14:28

Shomá eshkot, man gwasht ke rawán bale padá shomay kerrá pera tarrán. Agan shomá maná dóst bedáshtén, cha é habará gal butagatét ke man Petay kerrá rawán, chéá ke Pet cha man master ent.

Yuhanná 14:6

Issáyá gwasht: “Ráh man án, rásti man án o zend bakshók ham man án. Kass Petay kerrá sar buta nakant, agan mani ráhá marawt.

Yuhanná 16:28

Man cha Petay kerrá dar átkag o é jaháná átkagán. Nun é jaháná yalaha kanán o Petay gwará rawán.”

Yuhanná 17:11

Man cha ed o rand jaháná namánán. É mardom angat jaháná mánant o man tai kerrá káyán. Oo pákén Pet! Gón wati hamá námay zórá ke taw maná dátag, esháni negahpániá bekan ke é yakk bebant, hamá paymá ke man o taw yakk én.

Yuhanná 17:25

Oo ádelén Pet! Harchont ke jaháná tará nazántag, man tará zántag. Nun á ham zánant ke taw maná rawán dátag.

Yuhanná 17:5

Oo Pet! Nun wati bárgáhá mani shán o shawkatá záher kan, hamá shán o shawkat ke maná cha jahánay jórh bayagá pésar ham tai kerrá butag.

Yuhanná 20:27

Nun gón Tumáyá gwashti: “Wati lankoká edá byár, mani dastán bechár, wati dastá mani kash o pahnátay thappay sará ér kan o cha ed o rand shakk makan, báwar kan.”

Yuhanná 7:33

Issáyá gwasht: “Man pa kammokén wahdéá shomay kerrá án o randá wati dém dayókay kerrá rawán.

Pulosay kágad pa Rumián 8:29

Hodáyá á cha péshá zántant o cha pésará anchoshi gisshéntant ke áiay Chokkay dáb o dróshomá bebant, tán á Chokk bázén brátáni awali bebit.

Pa Galátián Pulosay kágad 3:26

Shomá sajjahén Issá Masihay sará imánay barkatá Hodáay chokk ét,

Petrosay Awal Kágad 1:3

May Hodáwandén Issá Masihay Hodáén Petá satá o saná bát. Cha wati sarréchén rahmatá o gón Issá Masihay cha mordagán zendag bayagá, Hodáyá márá nóksará pédá kort tán márá zendagén omété berasit.

Yuhannáay Awali Kágad 3:2

Oo dordánagán! Annun má Hodáay chokk én, bale angat zánag nabutag ke má ché jórh bayagi én, haminchoka zánén, wahdé á záhera bit má ham hamáiay dhawlá bén, parchá ke á wahdi má áiá hamá paymá gendén ke á hast.

Elhám 21:3

O man borzén tawáré eshkot ke cha tahtá pédák at, gwashagá at: “Bechár! Hodáay menendjáh mardománi kerrá ent, nun á wat áyáni kerrá nendóka bit. Á, Hodáay mardoma bant o Hodá wat gón áyán yakjáha bit.

Elhám 21:7

Hamá ke sóbéna bit, é sajjahén chizzi mirásá rasant, man áiay Hodá bán o á mani chokka bit.