Yuhanná 20:15 - Hodáay Pákén Ketáb Balochi zobáná

¹⁵ Issáyá gón áiá gwasht: “Oo bánok! Chéá gréwagá ay? Kai padá garday?” Maryamá hayál kort balkén bágpán ent. Gwashti: “Oo wájah! Agan taw bortag, maná begwash kojá éret kortag ke man berawán o áiá dast begerán.”

Yuhanná 20:15 ပူးပေါင်းရင်းမြစ်များ

Mattá 12:34

Oo syahmárzádagán! Shomá ke wat sell o radkár ét, chón sharrén habar korta kanét? Chéá ke harché mardomay delá bebit, hamá cha áiay dapá dara kayt.

Mattá 28:5

Préshtagá gón janénán gwasht: “Matorsét! Mana zánán shomá Issáay shóházá ét ke salib kasshag butag.

Markás 16:6

Warnáyá gwasht: “Matorsét, shomá Issá Náseriay shóházá ét ke salib kasshag butag. Á zendag butag, jáhi jatag o edá naent. Bechárét, é hamá jágah ent ke edá áiay jón ér at.

Luká 2:44

Awali róchá, áyán wati delá pegr kort balkén gón kárwáná gón ent, paméshká yakk róchéay menzelá démá shotant. Randá, áiay shóházá dar kaptant o cha wati syád o pajjárókán áiay jostesh gept.

Luká 24:5

Janénán, cha torsá wati sar jahl kort, bale á doénán gwasht: “Shomá chéá á zendagéná, mordagáni nyámá shóháza kanét?

Yuhanná 1:38

Issáyá chakk tarrént o har doéni distant ke mani randá kaptagant. Josti kort: “Shomá ché lóthét?” Gwashtesh: “Rabbi! (Bezán: Oo ostád!) Taw kojá neshtagay?”

Yuhanná 18:4

Issáyá zánt gón man ché bayagi ent, démá shot o josti kort: “Shomá kai shóházá ét?”

Yuhanná 18:7

Padá gwashti: “Kai shóházá ét?” Áyán gwasht: “Issá Náseriay.”

Yuhanná 20:13

Áyán gwasht: “Oo bánok! Taw chéá gréwagá ay?” Passawi dát: “Mani Hodáwandesh bortag o nazánán kojá éresh kortag.”