Yuhanná 20:14 - Hodáay Pákén Ketáb Balochi zobáná

¹⁴ Wahdé é gappi jat, chakki tarrént o Issái dist ke hamódá óshtátagat, bale pajjáhi nayáwort.

Yuhanná 20:14 ပူးပေါင်းရင်းမြစ်များ

Pédáesh 42:8

Issopá brát pajjáh áwortant, bale áyán Issop pajjáh nayáwort.

Mattá 28:9

Issá bé gat o gománá anágat wat gón á janénán dochár kapt o gwashti: “Salám o drót!” Á nazzikká átkant, Issáay pádesh geptant o parasteshesh kort.

Markás 16:12

Randá, Issá dega shekl o dróshoméá, do moriday démá záher but ke dém pa yakk kallagéá rawagá atant.

Markás 16:9

Yakshambehay sabáhá máhallah, cha wati jáh janagá rand, Issá cha sajjahénán pésar, Maryam Majdaliahay démá paddar but. É hamá Maryam ent ke Issáyá cha áiá hapt jenn kasshetagat.

Luká 24:16

Bale pajjáhesh nayáwort, chéá ke áyáni chamm pardahéá póshetagatant.

Luká 24:31

Nun áyáni chamm pach butant o Issáesh pajjáh áwort bale hamá damáná cha áyáni chammá chér o andém but.

Luká 4:30

Bale Issá cha mardománi nyámá dar átk, wati ráhi gept o shot.

Yuhanná 21:4

Sabáh ke but, Issá gwarmay lambá óshtátagat, bale moridán pajjáh nayáwort.

Yuhanná 8:59

Áyán pa Issáay janagá seng o dhók chet, bale Issá cha mardománi chammán chér o andém but, cha mazanén parasteshgáhá dar átk o shot.