Yuhanná 19:30 - Hodáay Pákén Ketáb Balochi zobáná

³⁰ Wahdé Issáyá sharáb dap jat, gwashti: “Kár halás but!” Randá sari jahl kort o sáhi dát.

Yuhanná 19:30 ပူးပေါင်းရင်းမြစ်များ

Pédáesh 3:15

Man taig o janénay nyámá, tai nasl o janénay naslay nyámá dozhmeni pédá kanán. Eshiay nasl tai saragá jant o taw áiay páday punzá janay.”

Zabur 22:15

Zór o tágaton kunzagi chondhé ke hoshk butag o zobánon nokká lacchetag, maná markay háká wápéntaget.

Dányál 9:24

Pa tai kawm o tai pákén shahrá haptád haptag gisshénag butag ke sarkasshi bekotthit, gonáh halás bebant, korbánig kanag o gonáháni táwán porr kanag bebit, abadi adl barjam bebit, shobén o paygambari mohr janag bebant o cha sajjahénán pákterén jágah rógen per moshag bebit.

Dányál 9:26

Randá, shast o do haptagá pad, hamá ‘rógen per moshtagén’ koshaga bit o áiay kerrá hecch pashta nakapit. Áyókén hokmránay mardom shahr o mazanén parasteshgáhá tabáha kanant, bale áiay jenday tabáhi chó háréá kayt. Jang tán godhsará barjáha mánit o tabáhiáni shawr borrag butag.

Mattá 20:28

Hamé dhawlá, Ensánay Chokk nayátkag ke mardom áiay hezmatá bekanant, átkag ke mardománi hezmatá bekant o gón wati sáhay dayagá, bázénéá berakkénit.”

Mattá 27:50

Issáyá domi bará borzén tawáréá chihál kasshet o sáh dát.

Mattá 3:15

Issáyá gwasht: “Annun bell ke anchosh bebit, é paymá Hodáay razáyá sarjama kanén.” Gorhá áiá mannet o Issái pákshódi dát.

Markás 15:37

Gorhá, Issáyá borzén tawáréá chihál kasshet o sáh dát.

Luká 22:37

chéá ke é nebeshtah mani bárawá, báyad ent purah o sarjam bebit ke gwashit: Á gón gonahkárán hesáb kanag but. Haw! Á chizz ke mani bárawá nebisag butag nun sarjam bayagi ent.”

Luká 23:46

Issáyá borzén tawáréá chihál kasshet o gwasht: “Oo Pet! Man wati ruh o sáhá tai dastá dayán.” Gón hamé habará, sáhi dát.

Yuhanná 10:11

Nékén shepánk man án. Nékén shepánk wati sáhá pa pasán nadra kant.

Yuhanná 10:18

Kass mani sáhá cha man pach gepta nakant, man gón wati jenday wáhagá wati sáhá nadra kanán. Maná wati sáhay dayagay ehtiár hastent o padá áiay dastá áragay ehtiár ham hastent. É kár Petá maná parmátag.”

Yuhanná 17:4

Á kár ke taw maná dátagat ke sarjami bekanán, man sarjam kort o é dhawlá pa jaháná tai shán o shawkaton záher kort.

Yuhanná 19:28

Nun Issáyá dist ke sajjahén chizz sarjam butagant. Gorhá Pákén Ketábay habaray rast o sarjam bayagay háterá gwashti: “Tonnig án.”

Yuhanná 4:34

Issáyá gwasht: “Mani warák esh ent ke wati dém dayókay wáhagá purah bekanán o áiay kárán sarjam bekanán.

Pulosay kágad pa Rumián 10:4

Masih, Sharyatay sarjami o halási ent. Ásar esh ent, harkas ke báwara kant, pák o palgár zánaga bit.

Pulosay kágad pa Rumián 3:25

Hodáyá á pésh kort tán cha báwaray ráhá gón wati hóná hamá korbánig bebit ke gonáhána bakshit. É kári pa wati adlay pésh dáragá kort, parchá ke gón wati Hodái ópárá cha pésarigén gonáhán sar gwastagat.

Pa Pilipián Pulosay kágad 2:8

Jendi ke ensánay sheklá at, watá békebr o darbeshi kort o tán marká parmánbardár at, tán salibay saray marká ham.