Yuhanná 19:29 - Hodáay Pákén Ketáb Balochi zobáná

²⁹ Cha tropshén sharábá porrén kunzagé ódá ér at. Áyán espanjé zort o sharábén kort, zupáay tháléay sará bast o Issáay lonthán per mosht.

Yuhanná 19:29 ပူးပေါင်းရင်းမြစ်များ

Zabur 51:7

Gón zupáay lambán pákon kan ke pákizaga bán, maná beshód ke cha barpá espéttera bán.

Dargwaz 12:22

Bandoké zupá bezurét, trashtay tahay hónáni bejanét o wati lógáni darwázagay chánthá, sarbor o doén kasháni dárán peri moshét, cha hamé hónán ke trashtay tahá ant. Tán sohbá cha shomá kass cha lógay darwázagá dhann dar mayayt.

Mattá 27:34

ódá Issáesh morr mán retkagén sharáb dát, bale áiá chashagá rand nawárt.

Mattá 27:48

Cha áyán yakké tacháná shot, espanjé zorti o tropshén sharábá missénti, dáréay sará bast o pa chussagá Issáay némagá shahárti.

Mattá 27:50

Issáyá domi bará borzén tawáréá chihál kasshet o sáh dát.

Markás 15:36

Cha áyán yakké tacháná shot, espanjé zort o tropshén sharábá missénti. Espanji dáréay sará bast o pa chussagá Issáay némagá shahárt o gwashti: “Sabr kanét, bechárén bárén Elyás eshiay rakkénagá kayt yá na?”

Luká 23:36

Sepáhig ham áiay nazzikká shotant o kalágesh gept, tropshén sharábesh cháshént o gwashtesh: