Yuhanná 18:4 - Hodáay Pákén Ketáb Balochi zobáná

⁴ Issáyá zánt gón man ché bayagi ent, démá shot o josti kort: “Shomá kai shóházá ét?”

Yuhanná 18:4 ပူးပေါင်းရင်းမြစ်များ

Zabur 27:3

Bell ke lashkaré mani chágerdá wati gedánán mekk bekant, angat mani dela nalarzit, agan jangé ham mani sará bekapit, angat deljam án.

Zabur 3:6

Cha lakkáni lakká natorsán ke cha har némagá maná angerresh kortag.

Mattá 16:21

Cha hamá wahdá rand Issá gón wati moridán pa tachk o paddari habar kanagá lagget ke “Allamá, báyad ent Urshalimá berawán, cha kawmay kamásh, mazanén dini péshwá o Sharyatay zánógeráni dastá sakki o sóri besaggán o koshag bebán o sayomi róchá zendag bebán o jáh bejanán.”

Mattá 26:2

“Shomá wassha zánét ke do róchá rand Sargwazay Aida bit o Ensánay Chokk pa salib kasshagá geráénaga bit.”

Mattá 26:21

Waragay wahdá áiá gón moridán gwasht: “Báwar kanét, cha shomá yakké maná dróhit o dozhmenáni dastá dant.”

Mattá 26:31

Gorhá Issáyá gón moridán gwasht: “Shomá sajjahén, hamé enshapi thagala warét o maná yalaha kanét, chéá ke nebisag butag: Man shepánká janán o ramagay pas sheng o shánga bant.

Luká 24:44

Gorhá gwashti: “É mani hamá habar ant ke man gón shomá á wahdá kortagant ke angat gón shomá butagán. Mani bárawá, har habaré ke Mussáay Sharyat, Zabur o Nabiáni Ketábán nebeshtah ent, á zalur báyad ent hamá dhawlá sarjam bebant.”

Yuhanná 13:1

Sargwazay Aidá yakk o do róch pasht kaptagat. Issáyá zánt ke hamá sáhat o damán átkag ke man é jaháná yalah bedayán o Petay kerrá berawán. Áiá wati mardom é jaháná dóst dáshtagatant o tán wati omray áheri damáná pa del dóstia dáshtant.

Yuhanná 13:11

Issáyá zánt ke kay maná dróhit, paméshká gwashti ke shomay nyámá nápákén ham hast.

Yuhanná 18:5

Passawesh dát: “Issá Náseriay.” Gwashti: “Man Án!” Issáay dróhók Yahudá ham hamódá óshtátagat.

Yuhanná 18:7

Padá gwashti: “Kai shóházá ét?” Áyán gwasht: “Issá Náseriay.”

Yuhanná 19:28

Nun Issáyá dist ke sajjahén chizz sarjam butagant. Gorhá Pákén Ketábay habaray rast o sarjam bayagay háterá gwashti: “Tonnig án.”

Yuhanná 6:64

Bale cha shomá lahténá imán nést.” Chéá ke á mardom ke imánesh néstat, Issáyá cha bendátá pajjáh áwortant o zánti ke kay maná dróhit o dozhmenáni dastá dant.

Kásedáni Kár 2:28

Taw maná zenday ráh sój dátagant o wati pahnátá maná cha shádmániá sarrécha kanay.’

Petrosay Awal Kágad 4:1

Nun hamá dhawlá ke Masihá wati jesm o jáná sakki sagget, shomá ham pa anchén káréá tayár bebét, parchá ke har wahdá kaséá mán jesmá sakki saggetag, cha gonáhá rakketag.