Yuhanná 18:18 - Hodáay Pákén Ketáb Balochi zobáná

¹⁸ Hezmatkár o sepáhigán ásé rók kortagat, chéá ke shap sárt at. Ásay kerrá óshtátagatant o watá tápagá atant. Petros ham áyáni kerrá óshtátagat o watá tápagá at.

Yuhanná 18:18 ပူးပေါင်းရင်းမြစ်များ

Pédáesh 49:6

Hechbar esháni majlesá manendátán, gón eshán hamdiwán mabátán, ke cha wati hezhmá mardomesh koshtagant o pa wati delwasshiá sándhesh lang kortagant.

Zabur 1:1

Bahtáwar hamá ent ke badkáráni shawr o saláhay sará narawt, gonahkáráni rahsará naóshtit o rishkand kanókáni diwáná nanendit,

Markás 14:54

Petros ham dur durá Issáay randá rawán at, masterén dini péshwáay lógay péshgáhá potert o gón hezmatkárán ásay kerrá nesht o dastáni tápagá lagget.

Markás 14:67

Petrosi dist ke ásay démá neshtag o watá garm kanagá ent. Áiay némagá rogurogu cháret o gwashti: “Taw ham Issá Náseriay hamráh butagay!”

Luká 22:44

Á, yakk grán o jánsóchén ranjéá dochár at, paméshká géshter dwái kort o áiay héd, hónay trampáni dhawlá zeminay sará petthetant.

Yuhanná 18:25

Shamun-Petros hamódá óshtátagat o watá tápagá at. Jostesh kort: “Záná, taw cha áiay moridán yakké naay?” Áiá namannet o gwashti: “Na, naán.”

Yuhanná 18:3

Gorhá Yahudáyá, Rumi pawji o Parisi o mazanén dini péshwáyáni dém dátagén lahtén sepáhig zort o hamá bágá bortant. Áyán cherág o mashal o seláh gón at.

Yuhanná 21:9

Wahdé hoshkiá rasetant, cha bójigá ér átkant. Rókén eshkaresh dist o eshkaráni sará máhig ér at. Nagan ham hastat.

Kásedáni Kár 4:23

Ázát bayagá rand, Petros o Yuhanná wati hamráháni kerrá shotant o áesh cha mazanén dini péshwá o kawmay kamásháni gwashtagén habarán sahig kortant.