Yuhanná 17:17 - Hodáay Pákén Ketáb Balochi zobáná

¹⁷ Eshán gón rástiá pák o palgár kan, tai habar rásti ent.

Yuhanná 17:17 ပူးပေါင်းရင်းမြစ်များ

Zabur 119:104

Cha tai rahbandán maná zánt o sarpadia rasit, paméshká maná cha har radén ráhá naprat ent.

Zabur 119:11

Man tai habar wati delá ambár kortagant ke tai helápá gonáh makanán.

Zabur 119:144

Tai parmán tán abad pa adl ant, maná sarpadi beday ke zendag bemánán.

Zabur 119:160

Tai sajjahén habar rást ant o tai sajjahén ádelén hokm abadmán.

Zabur 119:9

Warnáén mardomé chón wati ráhá pák dáshta kant? Gón tai habaray randgiriá.

Zabur 12:6

Hodáwanday habar asil o béayb ant, nograhay paymá ke cha kurahá dar átkag o hapt randá pák o sallah kanag butag.

Luká 8:11

É mesálay máná esh ent: Tohm, Hodáay habar ant.

Luká 8:15

Sharrén zeminá retkagén tohmáni máná, hamá mardom ant ke Hodáay habarán gósha dárant o pa setk o del o pákén niyaté áyána mannant. É chó hamá keshárá ant ke hóshag o bara kanant o páydára bant.

Yuhanná 15:3

Mani habaráni barkatá shomá cha pésará pák ét, hamá habar ke man gón shomá kortagant.

Yuhanná 17:19

Nun pa hameshánigi watá gón páki o palgári tai sepordaha kanán, tánke é ham gón rástiá palgár o Hodáay sepordah bebant.

Yuhanná 8:32

Hamá wahdi rástiá zánét o rásti shomárá ázáta kant.”

Yuhanná 8:40

Bale nun shomá mani koshagay randá ét, anchén mardoméay koshagay randá ét ke rástén habari cha Hodáyá eshkotag o shomárá sar kortagant. Ebráhémá hechbar choshén káré nakortagat.

Kásedáni Kár 15:9

Hodáyá mayg o áyáni nyámá hecch park o péré naesht, wahdé á báwarmand butant, Hodáyá áyáni del ham pák o palgár kort.

Pa Tesálunikián Pulosay domi kágad 2:13

Oo brátán! Oo Hodáwanday dóstigén mardomán! Má báyad ent pa shomá modám Hodáay shográ begerén, chéá ke Hodáyá shomárá cha bendátá gechén kortag ke shomá Pákén Ruhay pák o palgár kanókén káray barkatá o rástiay sará wati imánay barkatá berakkét.

Ákub 1:21

Paméshká har warhén paliti o sajjahén badián cha wat dur kanét o pa békebri o narmdeli, hamá gál o habarán delá bedárét ke shomay del o jáná nádénag butag o shomay rakkénagay wák o twáni hast.