Yuhanná 16:3 - Hodáay Pákén Ketáb Balochi zobáná

³ Á é kárána kanant, chéá ke na Petá zánant o na maná.

Yuhanná 16:3 ပူးပေါင်းရင်းမြစ်များ

Luká 10:22

Sajjahén chizz, Petá mani dastá dátagant. Abéd cha Petá, hechkas Chokká nazánt, hamé dhawlá, abéd cha Chokká o hamá mardomán ke Chokk belóthit Petá pa áyán paddar bekant, dega hechkas Petá nazánt.”

Yuhanná 15:21

Pa mani námaygi gón shomá é dhawlá kanant, chéá ke mani dém dayóká nazánant.

Yuhanná 15:23

Harkas ke cha man naprata kant, cha mani Petá ham naprata kant.

Yuhanná 17:25

Oo ádelén Pet! Harchont ke jaháná tará nazántag, man tará zántag. Nun á ham zánant ke taw maná rawán dátag.

Yuhanná 17:3

Oo yakk o barhakkén Hodá! Abadmánén zend hamesh ent ke é mardom tará bezánant o tai rawán dátagén Issá Masihá pajjáh byárant.

Yuhanná 8:19

Áyán gwasht: “Tai pet kojá ent?” Issáyá passaw dát: “Shomá na maná zánét o na mani Petá. Agan shomá maná bezántén, shomá mani Pet ham zántagat.”

Yuhanná 8:55

Shomá áiá nazánét, bale man áiá zánán. Agan man begwashtén ke áiá nazánán, shomay dhawlá drógband butagatán, bale man áiá zánán o áiay habará zurán.

Kásedáni Kár 3:17

Nun, oo brátán! Mana zánán ke shomayg o shomay kamásháni kár o kerd, cha názántiá at.

Pa Tesálunikián Pulosay domi kágad 1:8

hamáyán sezá dant ke Hodáyá pajjáha nayárant o may Hodáwandén Issáay wasshén mestágay parmánbardáriá nakanant.

Pa Timutáusá Pulosay awali kágad 1:13

Har chont ke pésará kopr kanók, ázár dayók o sheddatién mardomé atán, bale Hodáwandá mani sará rahm kort, chéá ke man cha wati nábáwariá zánagá naatán ke ché kanagá án.

Yuhannáay Awali Kágad 2:23

Harkas ke Chokká namannit, Pet ham áiayga nabit. Harkas ke Chokká mannit, Pet ham áiayga bit.

Yuhannáay Awali Kágad 3:1

Bechárét ke Petá chónén mehré márá bakshetag ke Hodáay chokk zánag bebén o béshakk má Hodáay chokk én. Donyá márá nazánt o pajjáha nayárit chéá ke donyáyá á ham pajjáh nayáwort.

Yuhannáay Awali Kágad 4:8

Á ke mehra nakant Hodái nazántag, chéá ke Hodá mehr ent.

Yuhannáay Awali Kágad 5:20

É chizzá ham zánén ke Hodáay Chokk átkag o márá é póh o zánti dátag ke á “Rásténá” bezánén. Má hamá “Rásténay” arwáh o jabiná én, áiay Chokk Issá Masihay arwáh o jabiná. Rástén Hodá o namiránén zend, hamá ent.