Yuhanná 16:10 - Hodáay Pákén Ketáb Balochi zobáná

¹⁰ ensáni pahrézkáriay nezóriá záhera kant, chéá ke man Petay kerrá rawán o shomá dega baré maná nagendét;

Yuhanná 16:10 ပူးပေါင်းရင်းမြစ်များ

Dányál 9:24

Pa tai kawm o tai pákén shahrá haptád haptag gisshénag butag ke sarkasshi bekotthit, gonáh halás bebant, korbánig kanag o gonáháni táwán porr kanag bebit, abadi adl barjam bebit, shobén o paygambari mohr janag bebant o cha sajjahénán pákterén jágah rógen per moshag bebit.

Yuhanná 16:28

Man cha Petay kerrá dar átkag o é jaháná átkagán. Nun é jaháná yalaha kanán o Petay gwará rawán.”

Yuhanná 16:5

Nun man wati dém dayókay kerrá rawán o cha shomá hechkas josta nakant ke kojá raway?

Yuhanná 3:14

Hamá dhawlá ke Mussáyá, gyábáná már cha zeminá chest kort, hamé dhawlá Ensánay Chokk lázom chest kanaga bit,

Yuhanná 5:32

Bale degaré hastent ke mani bárawá gwáhia dant o mana zánán ke mani bárawá áiay gwáhi rást ent.

Yuhanná 7:33

Issáyá gwasht: “Man pa kammokén wahdéá shomay kerrá án o randá wati dém dayókay kerrá rawán.

Kásedáni Kár 17:31

Chéá ke áiá yakk róché gisshéntag ke á róchá donyáay sajjahén mardománi kortagén kárán gón ensáp dádrasi o dáwaria kant o pa é maksadá yakké gechéni kortag. Hodáyá á paméshká cha mordagán zendag kort ke pa harkasá é habaray rásti pakká bebit.”

Kásedáni Kár 2:32

Hodáyá Issá Masih zendag kort o má sajjahén, é rástiay sháhed én.

Kásedáni Kár 3:14

Bale shomá á ‘Pák o Nékén’ namannet o áiay jáhá pa yakk hónigéá ázáti lóthet.

Kásedáni Kár 7:52

Kojám paygambar shomay pet o pirénán ázár nadátag? Shomay pet o pirénán tantaná hamá paygambar ham koshtant ke áyán á ‘Pák o Nékénay’ áyagay péshgói kortagat. Nun shomá áiay jenday dróhók o hónig ét.

Pulosay kágad pa Rumián 1:17

Chéá ke Issáay wasshén mestágay tahá hamá páki o palgári paddara bit ke cha Hodáay némagá ent, hamá páki o palgári ke cha azal tán abad imánay sará óshtátag, anchosh ke nebisag butag: “Hamá ke cha imánay ráhá pák o palgár ent, zendaga mánit”.

Pa Galátián Pulosay kágad 5:5

Bale imánay sawabá, má cha Pákén Ruhay barkatá hamá páki o palgáriay wadárá én ke márá áiay omét hast.

Pa Timutáusá Pulosay awali kágad 3:16

Béshakk Hodádóstiá mazanén rázé mán: Á, ensánéay shekl o dróshomá záher but, Pákén Ruhá áiay rásti sábet kort, préshtagán á dist, kawmáni nyámá áiay jár janag but, donyáay tahá áiay sará imánesh áwort, á, porshawkatén arshá barag but.

Petrosay Awal Kágad 3:18

Masihá ham yakk baré pa may gonáhán sakki sagget, bezán á “Nék o Páká” pa gonahkárán wati ján nadr kort tán márá pa Hodáyá sar bekant. Masih jesmi koshag but bale Ruhá zendag kort.