Yuhanná 15:25 - Hodáay Pákén Ketáb Balochi zobáná

²⁵ Áyáni Sharyatá nebeshtah ent ke ‘Moptá cha man napratesh kort.’ É dhawlá é habar rást o sarjam but.

Yuhanná 15:25 ပူးပေါင်းရင်းမြစ်များ

Zabur 109:3

Maná gón napratién habarán chapp o chágerdesh kortag, bésawabá gón man pa jangá pád átkagant.

Zabur 35:19

Mayl ke prébkárén dozhmen mani sará shádehi kanant, mayl hamá ke mopt o náhakká cha man bézár ant chammok o pónzok bekanant.

Zabur 69:4

Á ke bésawab cha man naprata kanant cha mani saray mudán géshter ant. Bázéné mani gár kanagay randá ent dozhmen mani sará drógén bohtáma janant. Cha man lóthant hamá chizzán per betarrénán ke man nadozzetagant.

Zabur 7:4

agan pa dóstéá badion kortag, yá ke dozhmené bémayárá poletag,

Mattá 10:8

Nádráhán dráh, mordagán zendag, garrián pák o sallah bekanét o cha mardomán jennán dar bekanét. Shomárá moptá rasetag, moptá ham bedayét.

Luká 24:44

Gorhá gwashti: “É mani hamá habar ant ke man gón shomá á wahdá kortagant ke angat gón shomá butagán. Mani bárawá, har habaré ke Mussáay Sharyat, Zabur o Nabiáni Ketábán nebeshtah ent, á zalur báyad ent hamá dhawlá sarjam bebant.”

Yuhanná 10:34

Issáyá gwasht: “Shomay Sharyatá é paymá nebisag nabutag: Mane Hodá gwashán ke shomá hodá ét?

Yuhanná 13:18

É habarán ke mana kanán shomay sajjahénáni bárawá naant. Á mardom ke man gechén kortagant, áyána zánán. Bale Pákén Ketábay é habar rást o sarjam bayagi ent ke gwashit: Hamá kas ke gón man yakjáh waragi wártag, hamá mani helápá pád átkag.

Yuhanná 19:36

É kár hamá dhawlá but tánke Pákén Ketábay é habar rást o sarjam bebit ke gwashit: “Áiay hecch haddh próshaga nabit.”

Pulosay kágad pa Rumián 3:19

Nuna zánén, Sharyat har ché ke gwashit pa hamá mardomán ent ke Sharyatay sáhegá ant, tán sajjahén dap band bebant o sarjamén donyá Hodáay bárgáhá mayárig bebit.

Pulosay kágad pa Rumián 3:24

bale gón Hodáay rahmatay thékiá o hamá rakkénagá ke cha Issá Masihay némagá ent, pák o palgár zánaga bant.

Pa Galátián Pulosay kágad 2:21

Man Hodáay rahmatán pádmála nakanán, chéá ke agan páki o palgári Sharyatay randgiriay sawabá berasetén, gorhá Masihay marká hecch máná nabutagat.

Pa Tesálunikián Pulosay domi kágad 3:8

má kaséay nán moptá nawárt, má shap o róch kára kort, mehnat o mozzuria kort ke cha shomá kassi sará báré mabén.

Elhám 21:6

Chosh ham maná gwashti: “Kár halletant. Bendát man án o halási man án, bongéj o ásar. Hamá ke tonnig ent, man áiá cha zenday chammagá mopt o bé zarrá ápa dayán.

Elhám 22:17

Pákén Ruh o bánóra gwashant: “Byá.” Hamá ke eshkont, bell gwashit “Byá.” Hamá ke tonnig ent, bell kayt, hamá ke lóthók ent bell cha zendápá mopt o bé zarrá zurit.