Yuhanná 15:24 - Hodáay Pákén Ketáb Balochi zobáná

²⁴ Agan áyáni démá man á kár makorténant ke dega kassá nakortagant, bémayár atant. Bale nun wa áyán é kár distagant o angat cha man ham naprata kanant o cha mani Petá ham.

Yuhanná 15:24 ပူးပေါင်းရင်းမြစ်များ

Zabur 81:15

Hamá ke cha Hodáwandá naprata kanant, dotal o sarjahl butagatant, tán abad anchosh butagat.

Dargwaz 20:5

Esháni démá sará jahl makan o sojdahesh makan. Chéá ke man tai Hodáwandén Hodá hasaddigén Hodáé án. Petáni radkáriáni sezáyá áyáni chokkána dayán. Á ke cha man naprata kanant, áyáni radkáriáni sezáyá áyáni sayomi o cháromi nasl o padréchá dayán.

Mattá 11:5

kór gendag o maym kanagá ant, lang tarrag o ráh rawagá ant, garri pák o palgár bayagá ant, karr eshkonagá ant, mordag zendag bayagá ant o bazzag o nézgárán wasshén mestág sar bayagá ent.

Mattá 21:32

Chéá ke Yahyá pahrézkáriay ráh o rastahá shomay kerrá átk, bale shomá áiay sará imán nayáwort. Songi o badkárén janénán áiay sará imán áwort o shomá é chizz gón wati chammán dist, bale angat shomá tawbah nakort o áiay sará imán nayáwort.

Mattá 9:33

Anchosh ke Issáyá jenn kasshet, gong habar kanagá lagget. Sajjahén mardom hayrán butant o gwashtesh: “Choshén kár hechbar Esráilá gendag nabutag.”

Markás 2:12

Gorhá mard sajjahénáni démá pád átk, wati nepádi zortant o dhanná shot. Sajjahén mardom hayrán butant, Hodáesh satá kort o sárhát o gwashtesh: “Má choshén kár hechbar nadistagat.”

Luká 24:19

Josti kort: “Cha kojám sarhálán?” Gwashtesh: “Hamá ke Issá Náseriay sará átkant. Á, paygambaré at ke áiay kár o habarán, Hodáay bárgáh o mardománi gwará, bázén zór o kodraté mán at.

Yuhanná 10:32

Issáyá gón áyán gwasht: “Man cha Petay némagá bázén nékén káré kortag o shomárá pésh dáshtag. Pa kojám kárá maná sengsára kanét?”

Yuhanná 10:37

Agan man wati Petay kárán makanán, mani sará imán mayárét.

Yuhanná 12:10

Paméshká mazanén dini péshwáyán Ilázaray koshagay shawr ham kort,

Yuhanná 12:45

Harkas ke maná gendit, mani dém dayóká ham gendit.

Yuhanná 14:9

Issáyá gwasht: “Oo Pilipos! Inchok wahd ent ke man gón shomá gón án o taw angat maná nazánay? Harkasá ke maná distag, mani Peti ham distag. Gorhá taw chóna gwashay ke Petá márá pésh bedár?

Yuhanná 15:21

Pa mani námaygi gón shomá é dhawlá kanant, chéá ke mani dém dayóká nazánant.

Yuhanná 15:22

Agan man mayátkénán o gón áyán habaron makortén, á bémayár atant. Bale nun áyán pa wati gonáhán hecch ozr o nimmóné nést.

Yuhanná 15:23

Harkas ke cha man naprata kant, cha mani Petá ham naprata kant.

Yuhanná 16:9

Gonáhá záhera kant, chéá ke mardom mani sará imána nayárant;

Yuhanná 3:2

yakk shapé Issáay kerrá átk o gón áiá gwashti: “Oo ostád! Má zánén ke taw ostádé ay o cha Hodáay némagá átkagay, chéá ke tán Hodá gón kaséá gón mabit, á é dhawlén mójezah o ajabbatén nesháni pésh dáshta nakant ke taw pésh dáragá ay.”

Yuhanná 5:36

Bale maná cha Yahyáyá masterén sháhed hast. Hamé kár ke Petá mani dastá dátagant ke sarjamesh bekanán o man sarjamesha kanán, hamé kár mani sháhed ant ke maná Petá rawán dátag.

Yuhanná 6:36

Bale hamá dhawlá ke gwashton, shomá maná distag o angat báwara nakanét.

Yuhanná 7:31

Cha mocchiay mardomán bázénéá áiay sará imán ham áwort o gwasht: “Wahdé Masiha kayt, cha é mardá géshter mójezah o ajabbatén nesháni pésha dárit?”

Yuhanná 9:32

Cha azalá kassá hechbar naeshkotag ke yakkéá pédáeshi kóré biná kortag.

Yuhanná 9:41

Issáyá gwasht: “Agan kór buténét shomárá gonáh o mayáré per néstat, bale paméshká shomay mayárbária mánit ke gwashét: ‘Má biná én.’”

Kásedáni Kár 10:38

É kár hamesh at ke Hodáyá gón wati Pákén Ruh o zórá, Issá Náseriay sará rógen per mosht. É dhawlá á, har jáh ke shot, gón wati nékén kárán, á sajjahén mardom ke Shaytánay bandig atant dráhia kortant, chéá ke Hodá gón áiá gón at.

Kásedáni Kár 2:22

Oo Esráilián! Delgósh kanét. Anchosh ke shomá wata zánét, Hodáyá shomay nyámá mójezah o ajekkái o ajabbatén nesháni cha Issá Náseriay némagá záher o paddar kort o é dhawlá pa áiá gwáhi dáti.

Pulosay kágad pa Rumián 1:30

bohtám janók, hodábézár, béadab, gorunák, bathák janók, badkerdiay jorhénók, pet o mátay náparmán,

Pa Timutáusá Pulosay domi kágad 3:4

dróhók, béparwáh o porkebra bant o Hodáay badalá aysh o nóshá dósta dárant.

Ákub 4:4

Oo zenahkárán! Nazánét ke donyáay dósti, Hodáay dozhmeni ent? Harkas ke donyáay dóstiay randá ent, watá Hodáay dozhmena jórhénit.