Yuhanná 14:27 - Hodáay Pákén Ketáb Balochi zobáná

²⁷ Man shomárá émeni o ásudagia dayán. Wati émeni o ásudagiá shomárá dayán. Jaháná é wák o twán nést ke hamá émeniá shomárá bedant ke mania dayán. Matorsét o wati delá paréshán makanét.

Yuhanná 14:27 ပူးပေါင်းရင်းမြစ်များ

Zabur 11:1

Man Hodáwanday mayár o báhóth án, gorhá shomá maná che paymá gwashét: “Morgé bebay o wati kóhá bál kan.

Zabur 112:7

Á cha badén hálána natorsit, deli jam ent, tawkali Hodáwanday sará ent.

Zabur 27:1

Hodáwand mani rozhn o rakkénók ent, cha kayá betorsán? Hodáwand mani zenday kalát ent, cha kayá bimmé bebit?

Zabur 28:3

Maná badkáráni hamráhiá gerrán makan o makassh, hamá ke radén kára kanant o gón hamsáhegán cha sohl o saláhá habará ant, bale delesh cha sherr o shórá porr ent.

Zabur 29:11

Hodáwand wati kawmá wák o kodrat bebakshát, Hodáwand wati kawmá gón sohl o émeni barkat bedayát.

Zabur 56:11

Hamá Hodáay sará tawkala kanán o natorsán. Ensán maná ché korta kant?

Zabur 56:3

Wahdé maná torsit tai sará tawkala kanán.

Zabur 72:2

tánke á pa ensáp tai kawmay sará dádrasi bekant, setam distagénáni sará pa adl.

Zabur 72:7

Áiay ahdá pahrézkár shádáb bátant, tán hamá wahdá ke máh nura dant ábádi bát.

Zabur 85:10

Mehr o wapádári yakdegará dochára kapant, adl o émeni yakdomiá chokkant.

Zabur 91:5

Cha shapay bimmá natorsay, na cha á tirá ke róchá srapit,

Dányál 4:1

Cha bádsháh Nebukadnezaray némagá, pa é jaháná neshtagén sajjahén kawm o ráj o har zobánay mardomán. Shomá géshá gésh émen bátét.

Dányál 6:25

Padá bádsháh Dáryushá pa sajjahén kawm, ráj o har zobánay mardomán ke téwagén sarzeminá jahmenend atant, nebeshtah kort: “Shomá géshá géshter émen bátét.

Mattá 10:26

Shomá cha á mardomán matorsét, chéá ke hecch choshén chérén chizzé nést ke záher o paddar mabit o hecch choshén rázé nést ke áshkár o démdará mabit.

Luká 1:79

tán pa áyán ke taháróki o markay sáhegá neshtagant, rozhnái bebakshit o márá dém pa sohl o ásudagiay ráhá rahshóni bekant.”

Luká 10:5

Har lógéá ke rawét awalá begwashét: ‘É lógay mardom dráh o émen bátant’.

Luká 12:4

Oo mani dóstán! Shomárá gwashán ke cha mardomán matorsét. Á shomay jesm o jáná koshta kanant, bale cha eshiá géshter hecch korta nakanant.

Luká 2:14

“Shán o shawkat borzén arshay Hodáyá bát o zeminay sará sohl o émeni pa hamá mardomán bát ke Hodá cha áyán wassh o washnód ent.”

Yuhanná 14:1

Shomay del paréshán mabit. Hodáay sará imán byárét o mani sará ham imán byárét.

Yuhanná 16:33

Man é chizz shomárá gwashtant ke mani barkatá shomárá émeni o ásudagi berasit. Jaháná shomárá dard o ranja rasit, bale delá dhaddh kanét, chéá ke man jahánay sará báládast butagán.”

Yuhanná 20:19

Hamá Yakshambehay shapá, wahdé morid cha Yahudiáni torsá lógéay tahá mocch atant o lógay darwázag kobl atant, Issá átk o áyáni nyámá óshtát o gwashti: “Émeni o salámati pa shomá.”

Yuhanná 20:21

Issáyá padá gwasht: “Émeni o salámati pa shomá. Hamá dhawlá ke Petá maná ráh dátag, man shomárá ráha dayán.”

Yuhanná 20:26

Hasht róchá rand, wahdé morid padá hamá lógá yakjáh butant, Tumá ham gón at. Lógay darwázag kobl atant, bale angat ham Issá átk o áyáni nyámá óshtát o gwashti: “Émeni o salámati pa shomá.”

Kásedáni Kár 10:36

Shomá zánét ke Hodáyá pa Bani Esráilián wati kolaw ráh dát o cha Issá Masihay ráhá, ke sajjahénáni Hodáwand ent, sohl o émeniay mestág dát.

Kásedáni Kár 18:9

Yakk shapé, Hodáwandén Issá, Pulosay shobéná átk o gwashti: “Mators, mani mestágá sheng o tálán kanán kan. Bétawár mabay.

Pulosay kágad pa Rumián 1:7

Pa Rumay hamá sajjahén mardomán ke Hodáyá dóst ant o gwánk janag butagant ke pák o palgár bebant. Cha may Hodáén Pet o Hodáwandén Issá Masihá pa shomá rahmat o émeni sar bát.

Pulosay kágad pa Rumián 15:13

Ométay Hodá ke shomá áiay sará báwar kortag, shomay delá cha shádehi o sohl o árámiá porr kanát, tán gón Pákén Ruhay wák o zórá cha ométá sarréch bebét.

Pulosay kágad pa Rumián 5:1

Nun ke báwarmandiay sawabá pák o palgár zánag butagén, cha may Hodáwand Issá Masihay ráhá mayg o Hodáay nyámá sohl o wassháni barjáh dárag butag.

Pulosay kágad pa Rumián 5:10

Agan á wahdá ke angat Hodáay dozhmen atén, cha áiay Chokkay markay ráhá gón áiá pa sohl o wasshániá rasénag butén, gorhá nun ke pa sohl o wasshániá rasetagén, sakk deljamter én ke áiay zenday sawabá rakkénaga bén.

Pulosay kágad pa Rumián 8:6

Gonahkárén ensánay pegr o hayálay ásar mark ent. Bale á pegr o hayál ke mahári Ruhay dastá ent áiay ásar, zendmán o ásudagi ent.

Pa Galátián Pulosay kágad 1:3

Cha may Hodáén Pet o Hodáwandén Issá Masihay némagá shomárá rahmat o émeni sar bát.

Pa Galátián Pulosay kágad 5:22

Bale Pákén Ruhay bar o samar esh ant: mehr, shádeh, émeni, sabr o ópár, mehrabáni, sharri, wapádári,

Pa Galátián Pulosay kágad 6:16

Émeni o rahm pa hamáyán ke é rahbanday sará zenda gwázénant, bezán pa Hodáay mahluká.

Pa Pilipián Pulosay kágad 4:7

Nun gorhá hamá émeni ke cha Hodáyá rasit o cha sajjahén zánt o sarpadiá báláter ent, hamá émeni Issá Masihay barkatá shomay del o hayáláni páspána bit.

Pa Tesálunikián Pulosay domi kágad 1:2

Cha may Hodáén Petay o Hodáwandén Issá Masihay némagá rahmat o émeni shomárá sar bát.

Pa Tesálunikián Pulosay domi kágad 3:16

Émeniay Hodáwand wat, shomárá har wahdá o har paymá émen kanát. Hodáwand shomay sajjahénáni hamráh bát.

Pa Timutáusá Pulosay domi kágad 1:7

Chéá ke Hodáyá márá choshén ruhé nadátag ke márá bozdel bekant, márá zór o wák o mehr o dáshtay Ruhi bakshátag.

Elhám 1:4

Cha Yuhannáay némagá, pa Ásiáay damagay haptén kelisáyán: Cha hamáiay jenday némagá ke hastent, hast butag o áyagi ent, cha hamá haptén ruháni némagá ke áiay bádsháhi tahtay démá ant o cha wapádárén sháhed Issá Masihay némagá shomárá rahmat o émeni sar bát. Issá Masih hamá awali ent ke cha mordagán zendag butag o donyáay bádsháháni hákem ent. Shán o shawkat o zór, abad tán abad hamáiá sar bát ke márá dósta dárit o gón wati hóná márá cha gonáhán ázáti kortag o dini péshwá o bádsháhié jórhi kortag ke áiay Hodáén Petay hezmatá bekanén. Anchosh bát. Ámin.

Elhám 2:10

Cha áyókén ázárán mators. Bechár, Shaytán cha shomá lahténá pa shomay chakkásagá zendáná kant o taw tán dah róchá ázár dayaga bay. Tán markay sáhatá wapádár bay o man tará zenday tájá dayán.

Elhám 21:8

Bale lagór o nábáwar o hamá ke bazzhnák ant, hónig o zenahkár o jáduger o botparast o sajjahén drógband, esháni ásar esh ent ke ásay gwarmá gón ás o gókortá sóchag bebant. É domi mark ent.”