Yuhanná 13:22 - Hodáay Pákén Ketáb Balochi zobáná

²² Moridán yakdomiay némagá cháret, hayrán atant ke Issá kai bárawá gappá ent.

Yuhanná 13:22 ပူးပေါင်းရင်းမြစ်များ

Pédáesh 42:1

Wahdé Ákubá dist ke Mesrá dán hast, gón wati chokkán gwashti: “Chéá neshtag o yakdomiá cháragá ét?

Mattá 26:21

Waragay wahdá áiá gón moridán gwasht: “Báwar kanét, cha shomá yakké maná dróhit o dozhmenáni dastá dant.”

Mattá 26:22

Morid báz paréshán o deltaparkah butant o bárig bárigá cha áiá jost kanagá laggetant: “Oo Hodáwand! Man wa naán, na?”

Markás 14:18

Wahdé parzónagay sará neshtagatant o shám waragá atant, gwashti: “Báwar kanét, cha shomá yakké ke annun gón man neshtag o shám waragá ent, maná dróhit o dozhmenáni dastá dant.”

Markás 14:19

Morid paréshán o deltaparkah butant o bárig bárigá jostesh kort: “Wájah! Man wa naán, na?”

Luká 22:21

Bale, hamá ke maná dróhit, áiay dast gón mani dastá yakkén parzónagá ent.

Luká 22:23

Á wahdi, morid yakdomiá jost kanagá laggetant: “Bárén, cha má kay choshén káré kant?”

Yuhanná 13:18

É habarán ke mana kanán shomay sajjahénáni bárawá naant. Á mardom ke man gechén kortagant, áyána zánán. Bale Pákén Ketábay é habar rást o sarjam bayagi ent ke gwashit: Hamá kas ke gón man yakjáh waragi wártag, hamá mani helápá pád átkag.

Yuhanná 13:21

Wahdé Issáyá é habar kort, cha del o daruná sakk padard but o pa deljami gwashti: “Man shomárá rásténa gwashán, cha shomá yakké maná dróhit.”