Yuhanná 12:26 - Hodáay Pákén Ketáb Balochi zobáná

²⁶ Agan kasé lóthit mani hezmatá bekant, gorha á lázom mani randgiriá bekant o har jáh ke mana bán, mani hezmatkár hamódá gón man góna bit. Agan kasé mani hezmatá kant, mani Pet áiá sharapdára kant.

Yuhanná 12:26 ပူးပေါင်းရင်းမြစ်များ

Zabur 17:15

Bale man pa pahrézkári tai démá gendán, ágáh ke bán, cha tai gendagá séra bán.

Zabur 91:15

Á maná tawára kant o man passawia dayán, sakkián áiay hamráha bán, áiá nejáta dayán o ezzata bakshán.

Mattá 16:24

Randá Issáyá morid lóthetant o gwashti: “Agan kasé lóthit mani randgiriá bekant, báyad ent wati delay sajjahén lóth o wáhagán yalah bedant o pa sáhay nadr kanagá, wati jenday salibá baddhá bekant o mani ráhá gám bejant.

Mattá 25:21

Hodábondá gwasht: ‘Shábásh, oo wapádár o sharrén golám! Taw gón kammén bonmálá tachk o rást butagay, nun man tará géshterén káráni zemmah o dhobbahá dayán, byá mani shádkámiáni sharikdár bay.’

Markás 8:34

Issáyá, sajjahén mahluk o morid lóthetant o gwashti: “Agan kasé lóthit mani randgiriá bekant, báyad ent wati delay sajjahén lóth o wáhagán yalah bedant o pa sáhay nadr kanagá, wati jenday salibá baddhá bekant o mani ráhá gám bejant.

Luká 12:37

Bahtáwar ant hamá hezmatkár ke áyáni hodábonda kayt o gendit ágah o hozzhár ant. Báwar kanét hodábond wat pa áyáni hezmatá lánka bandit, áyána nendárénit o warag démá dant.

Luká 6:46

Wahdé shomá mani habaráni sará kára nakanét, gorhá chéá maná ‘Hodáwand, Hodáwanda’ gwashét?

Luká 9:23

Issáyá sajjahén mardom gwashtant: “Agan kasé lóthit mani randgiriá bekant, wati delay wáhag o lóthán yalah bedant o har róch wati jenday salibá baddhá bekant o mani ráhá gám bejant.

Yuhanná 10:27

Mani pas mani tawárá gósha dárant, man áyán jáha kárán o á mani randgiriá kanant.

Yuhanná 13:16

Shomárá rásténa gwashán, hecch golám cha wati wájahá o hecch kásed cha wati dém dayóká master naent.

Yuhanná 14:15

Agan shomá maná dósta dárét, gorhá mani hokmána mannét.

Yuhanná 14:3

Bale angat man pa shomay jágahay tayár kanagá rawán o padá káyán o shomárá gón wata barán, tánke hamódá ke man án, shomá ham hamódá bebét.

Yuhanná 15:20

Cha é habará béhayál mabét ke man gón shomá gwashtag: ‘Golám cha wájahá mastera nabit.’ Agan áyán maná ázár dátag, shomárá ham ázára dayant. Agan mani habaresh zortag, shomay habará ham zurant.

Yuhanná 17:24

Oo Pet! Mana lóthán ke hamá mardom ke taw maná dátagant, hamódá gón man yakjáh bebant ke man án tánke hamá shawkatá begendant ke taw maná dátag, chéá ke cha jahánay jórh bayagá pésar ham taw maná dóst dáshtag.

Yuhanná 21:22

Issáyá gwasht: “Agan mani razá hamé bebit ke é tán mani áyagay wahdá zendag bemánit, tai che káré harába bit? Taw mani randgiriá bekan.”

Pulosay kágad pa Rumián 1:1

Cha Issá Masihay hezmatkár, Pulosay némagá ke pa kásediá gwánk janag butag o zendi pa Hodáay wasshén mestágá wapk ent,

Pulosay kágad pa Rumián 14:18

Harkas hamé paymá Masihay hezmatá bekant, Hodáyá washnóda kant o mardom ham áiá mannant.

Pa Galátián Pulosay kágad 1:10

Annun man mardománi washnódiá lóthagá án yá Hodáay? Man mardománi wassh kanagay johdá naán. Agan man angat mardománi wassh kanagay johdá buténán, Masihay hezmatkáré naatán.

Pa Pilipián Pulosay kágad 1:23

Man dodel án, mani armán ent ke berawán o gón Masihá yakjáh bebán, chéá ke é sakk báz gehter ent,

Petrosay Domi Kágad 1:1

Cha Issá Masihay hezmatkár o kásed, Shamun Petrosay némagá, pa hamáyán ke cha may Hodá o rakkénók Issá Masihay barkatá, hamá paymén bébaháén báwaré rasetagesh ke márá rasetag.

Yuhannáay Awali Kágad 5:3

Hodádósti hamesh ent ke Hodáay hokmán kár bebandén o áiay hokm gránén báré ham naent.

Yahudáay Kágad 1:1

Cha Ákubay brát, Issáay Masihay hezmatkár, Yahudáay némagá, pa hamá gwánk jatagénán ke Hodáén Petá dóst ant o pa Issá Masihaygi gón sharrén pahrézé dárag butagant.

Elhám 14:4

É hamá ant ke watá gón janénán palitesh nakortag chéá ke dast najatagén ant. Har jágah ke Gwarándha rawt, é randgiria kanant. É cha mardománi nyámá mókag butagant, Hodá o Gwarándhay awali bar o samar ant.