Yuhanná 10:18 - Hodáay Pákén Ketáb Balochi zobáná

¹⁸ Kass mani sáhá cha man pach gepta nakant, man gón wati jenday wáhagá wati sáhá nadra kanán. Maná wati sáhay dayagay ehtiár hastent o padá áiay dastá áragay ehtiár ham hastent. É kár Petá maná parmátag.”

Yuhanná 10:18 ပူးပေါင်းရင်းမြစ်များ

Yuhanná 10:11

Nékén shepánk man án. Nékén shepánk wati sáhá pa pasán nadra kant.

Yuhanná 10:15

hamá dhawlá ke Pet maná zánt o man Petá zánán. Man wati sáhá pa pasán nadra kanán.

Yuhanná 10:17

Pet maná dósta dárit, chéá ke man wati sáhá nadra kanán ke padá wati zenday wáhond bebán.

Yuhanná 14:31

Man bass hamá kárána kanán ke Petá maná parmátagant, tánke jahán bezánt ke man Petá dósta dárán. Pád áét, cha edá rawén.

Yuhanná 15:10

Agan mani hokmáni sará kár bekanét, mani mehráni sáhegá mánét, anchosh ke man wati Petay hokmáni sará kár kortag o áiay mehráni sáhegá neshtagán.

Yuhanná 19:11

Issáyá passaw dát: “Agan Hodáyá tará é ehtiár madátén, mani sará tará hecch wák o ehtiáré néstat. Paméshká hamá ke maná tai dastá dáti géshter mayárbár ent.”

Yuhanná 5:26

Chéá ke hamá dhawlá ke Pet zendmánay sarchammag ent, Chokká ham é wák o twáni dátag ke zendmánay sarchammag bebit.

Yuhanná 5:30

Man watsará káré korta nakanán, har chizzé ke man eshkotag, hamáiay bonyádá dádrasia kanán o mani dádrasi barhakk ent, parchá ke man wati delay wáhagáni sarjam kanagay pad o randá naán, wati dém dayókay wáhagáni sarjam kanagay pad o randá án.

Yuhanná 6:38

Man pa wati jenday wáhagáni sarjam kanagá cha ásmáná ér nayátkagán, átkagán ke wati dém dayókay wáhagán sarjam bekanán.

Kásedáni Kár 2:24

Bale Hodáyá cha mordagán zendag kort o cha markay ranj o azábá rakként, chéá ke nabuteni at mark áiá wati panjagáni tahá bedárit,

Kásedáni Kár 2:32

Hodáyá Issá Masih zendag kort o má sajjahén, é rástiay sháhed én.

Kásedáni Kár 3:15

Shomá zendmánay sarchammag kosht, bale Hodáyá á cha mordagáni nyámá zendag kort o jáh janáént o má eshiay sháhed én.

Pa Titusá Pulosay kágad 2:14

Issá Masihá wati zend pa má nadr kort ke márá cha may sajjahén selkárián bemókit o pa wat kawmé pák o palgár bekant ke áiay jendayg bebit o é kawm pa sharrén káray kanagá hobbig o hodónák bebit.